Press "Enter" to skip to content

A Poi Tuk Ai E Aw : Tuluk Ram Um Chinpa Cu An Boss Pa Nih Tupi Chungah A Hlonh I A Tu Hi

Atu lio vawlei cung mifim le mithiam sang hna nih an buaipi mi le an lung re a theih ter taktak tu Coronavirus hrit ruangah ni fan tin in minung a pul in an pul cuahmah cang.hi Coronavirus hrit a that khotu dingah HIV zawt nak hrit thahnak caah an hman mi sii cu lakhruak in Coronavirus hrit doh nak caah an hman.HIV zawtnak hrit thah nak caah an hman hnu ah Coronavirus hrit a kai cia mi zei maw zat hna cu Sizung in a chuak mi zong an um cang tiah theih a si.

Asinain China”Tuluk”ram sibawi thiam sang nih an chim nak ah cun Coronavirus hrit hi kan tei cang tiah zei hmanh kan chim kho rih lo tiah a chim cang.cu pin ah vawlei pi ngandamnak konghe pehtlai in rian t’uantu miohu or buu a si mi “WHO” hna nih cun Coronavirus zawt nak ruangah vawlei pi, ram a t’hangcho mi le ra a t’hangco lo mi hna cu a kan t’hen hrang khawh tiah thinphang taktak in thanhnak a rak tuah cang fawn.cu lio ah China ram chungah hlawhfa rian a t’uanmi kan mah Chin miphun tampi an rak um ve.

Tuchun ah China ram um Chin miphun hna sin in thawngpangthar kan theih t’han rih mi cu Tlangval Vanlal Mawi ” Weihai shandong” ah rian a t’uan mi cu february 7.2.2020 ah khan taksa dam lo nak a ngeih ruangah an rian t’uan nak an “Boss” pa nih sizung ah a zohkhenh ter i,cu hnu cun a hung dam deuh cang tik ah a rian t’uan cu a vun peh zulh khawh t’han.rian a pehzulh hnu zongah cu hlan bantuk in a taksa a cak lo i,dawrzaw ngai le zaang tlung lo ngai in rian cu a t’uan.

Cu tik ah an Boss pa nih cun Vanlal Mawi cu a tu lio Coronavirus hrit a ngeih ruangah a si lai ti a zumh caah a thli in February 13.2.2020,zinglei suimilam 2:00 hrawngah motor in leng chuah a sawm i,mi zei hmanh um lo nak Tupi lei ah a luhpi in khua zei ah a hlonh hmanh theih a si lo.Cucaah Vanlal Mawi hi a thih le a nun hmanh theih a si lo caah kawl cuahmah lio pi a si,thlacamnak in rak kan bawm uh tiah Vanlal Mawi hawi nih nih an chim. worldnewsforchin

Be First to Comment

Leave a Reply

Your email address will not be published. Required fields are marked *