Press "Enter" to skip to content

A Liam Cia Can Ah Khan Nungak Pakhat Cu Va A Ngeih Hnu A Ton Mi Thil

Nungak pakhat cu va a ngei I a pasal he cun inn dang an um I a pasal he cun zei tin hman an I rem kho lo an I sik an I velh peng a tu le tu bia an I el an I rem lo an si lenmang a si nain a pasal cu a hmuh duh lo a rem lo zongah rawl suapiak a her pin ah a her mi te te tuah piak cu a rian asi fon.

Nikhat cu aa tuar kho ti lo I apa sin ah cun ruah nak a va hal ti si a pa nih cun na pasal hi na rem lo tuk asi ah cun tur angei mi sii kan pek lai I na pasal rawl a ei can poh ah tlawmte tlawmte in na cawh piak peng lai cu tin cun thla 6 chungah zei thei lo in a thi ko lai tiah ruah nak cu arak cheu I sii zong cu a rak pek.

Cu ti cun apasal rawl aei poh ah sii cu a cawh piak lenmang sii a pek chung cu a mi choh biak cu a that ter ngai ngai an inn pa chak tlang hna nih a pasal thi seh ti a duh nak cu a ho hmanh nih an thei piak ve lo cu tik ah a pasal a ei mi rawlpoh ah tur ngei mi sii cu a tlawm te te in a peih piak lenmang.

Sii a peih piak chung cu mit hmaipan te le tha te in a pasal cu a zoh khen cu tin cun tha te in a choh biak mit hmaipan te in a pasal cu a choh tik ah mit hmaipan nak nih milung a zawr ter kho bangin a pasal zong cu a nupi a mit hmai a mi choh biak ruangah a mah zong a nun zia le tuan I a nu pi a rak choh biak zia cu a thleng ve.

Duhsa duhsa in a that nak lei in an I hmuh piak thiam cang I uah nak kei mah ti nak thin lung an rak ngeih mi zong a thleng cuahmah cang inn pa chaktlang hna nih amit hmai le a pasal cungah a hmaipan ning le a michoh biak a that ning an mo nu a that nak afim nak kong cu an chim.

Cu tik ah cun zei mazat cu an inn chungkhar cu a thangcho I anuam thluahmah cang,cu tik ah a pasal thah dingin ruah nak tha lo a ngei mi a nu pi cu a chir thluahmah cang, cu tik ah a nupi cu a pa sin ah a kal than I ka pa tur ngei mi thi sii na ka pek mi a that kho tu sii ka pe than tiah apa cu ahal.

Cu tik ah a pa nih hi tin aleh ka fa nu kan pek mi sii kha tur sii asi lo nitin a ngandam nak ding le a tha zang cak nak ding ah vitamin pei kan pek ko cu ka fa nu na thin lung chungah na pasal he lam hlat pi ah um na duh nak a thin lung kha na pasal he a that nak in I ruah thiam I theih thiam nak I dawt nak pasal le theih thiam nak dawt nak a ngei mi sii pei kan kawl piak I kan pek cu tiah a pa nih cun a ti.

Langter ka duh nak bik cu vawlei cungah hin pakhat le pakhat I choh biak tik ah a mah minung khi a tha lo hi minung hi a tha lo ti in kan chim kho men asi nain ahram tawk cu mah nih a tha mi thin lung ziaza lungput kan ngeih dingah kan I thleng masa a her ti hi langter ka duh nak cu a si.

Be First to Comment

Leave a Reply

Your email address will not be published. Required fields are marked *