A Poi Tak Tak Ee : Thawngpang Thar Le Thil Sining Fiang Langhter Asi, Ralhrang Thah Mi “Nun Pui Le A Ttapa”

Haimual Khua Ah Tlaih A Tongmi Unau Cu An Ruak In An Hmuh Hna! August 14, zaanlei suimilam 4:30 hrawng ah Tedim peng, Haimual khuathar cu SAC ralkap nih an rak khangh hnu ah unau pahnih mino tete cu SAC ralkap nih an rak tlaih hna.

“Tlaih a tongmi hna hi unau an si. A u (kum-18) hi CDF chungtel a si i, SAC ralkap nih an tlaih lio ah CDF uniform he an rak tlaih, a naupa hi kum 15 hrawng a si. An unau ruak cu Haimual sianginn lam ah August 16 ah hmuh an si,” tiah tualchung mi pakhat nih The Chin Post ah a chim.

SAC ralkap kut in nunnak a liammi Haimual khuami unau Lal Nun Puii (kum 18) le Lal Ruat Mawia (kum 15) hna ruak cu nihin August 16 zaanlei ah khrihfa phunglam in ruak vuinak an tuahpiak cang hna, tiah theih a si.

Thawngpang dang relchap : Daw Aung San Suu Kyi le Ramkhel Thongtla Chuah Dih Ding in EU nih SAC A Nawl!

SAC kuttang biaceih zung nih Aung San Suu Kyi cu thong kumruk an chap mi kong ah EU nih cun tlukruannak le dikfelnak a um lo mi a si, tiah an mawhchiat i, Daw Aung San Suu Kyi cu a rannak in thlah ding in EU nih SAC cu a nawl, tiah theih a si.

Daw Aung San Suu Kyi thong kumruk an chap mi kong ah High Representative of the European Union for Foreign Affairs and Security Policy Josep Borrell nih cun a lungtlin lonak twitter ah a ṭial.

SAC nih Myanmar mizapi duhnak cu a biapi ah chiahpiak in Daw Aung San Suu Kyi telh in ramkhel thongthla vialte cu chuah dih ding in a duhnak kong Josep Borrell nih cun a chim.

Kum 77 a si cangmi Daw Aung San Suu Kyi cu SAC nih uknak an lak hnu in Case 19 in tazacuai a si i cu chung ah Daw Khin Kyi Foundation pehtlai in tazacuai mi case in nizan August 15 ah thong kumruk an rak chap. A luancia July thla tiang ah case 11 bia ceihpiak a si cang i, case 11 ah 17 thong thlak ding in bia khiahpiak a si.credit.the chin post

Be the first to comment

Leave a Reply

Your email address will not be published.


*