Zualko : Salai Van Ro Sang Nih Mizoram Ah Ruahlo Tukin An Kan Liamtaak Than E

Mizoram ah ralzaam dirhmun in khua asami Chinmi tlangval Salai Van Ro Sang cu ti nih a fenh caah a nunnak liam tiah thawngtheih asi. Salai Van Ro Sang a thihnak kong he pehtlai in thawngthanh nak an tuah ning ah cun Matupi peng, Ngahlai khuami Salai Van Ro Sang cu tuchun July 7 ah khan Sahnathial in Sairang (Tut) lei a kalnak ah tive an tan i cu lio ah cun vanchiatnak ruangah tiva nih cun a kalpi tiah theih asi.

Salai Van Ro Sang ruak cu khuami le pwangkam mi hna nih an si khawh chungin an kawl len ko nain hi thawngpang kan tial tiang ah hin cun an hmu kho rih lo” tiah an langhter. Chin miphun le Chin tefa hna cu ralhrang tih ruangah le kan nunnak caah tiin hmunkip ah ralzaam in kan thutdir lio ah afak bikmi ngaihchiatnak le thihnak kan tong cuahmah ai cang ne mu.

Zeitiang hen dah kan chuahsemnak lungrawn khua te hmanh ah kanlu phum kho loin kan liam rih lai mu. Ngaihchiatnak a tongmi chungkhar hna Bawipa tu nih intuar khawhnak thazaang pe hram ko hna seh mu.