R.I.P: Pasal Tha Pa 2 Nih Ram Caah An Nun An Rak Pek Mi Cu An Vui Cang

CDF -Mindat Ralkap 2 Ruak Cu An Vui Cang Hna Sagaing ramṭhen, Yinmabin peng Yinpaungtaing khua ah luancia August 11 lio ah khan SAC ralkap nih vanlei kahdohnak an tuah ruangah CDF-Mindat ralkap 2 cu an nunnak a rak liam.

Ram le miphun ca ah nunnak petu CDF-Mindat ralkap 2 ruak cu nizaan August 16 ah Mindat peng hmun khat ah ruak vuinak an tuah cang, tiah theih a si. Credit : The Chin Post

thawngpang dang relchap : August 17: Yangon Ramṭhen Ah Pehtlai in Ruah A Sur Caah Peng Tam Deuh Ah Ti A Lian!

Yangon ramṭhen ah nihin August 17 zinglei in ruah a sur tuk caah deilei sml 3:00 hrawng in peng tam deuh ah cun ti a lian, tiah tualchung mi hna nih an chim. Rangon ramṭhen, Yangon khua lai, Hlaingtharyar, Bahan telh in peng tam deuh ah ti a ngan i, a niam deuhmi inn hna cu um awk ṭha loin ti nih a phum, tiah theih a si.

“Zan khua dei ruah a sur caah kan inn tang lei cu ti nih a phum. Zinglei sml 2:45 hrawng ah ti cu kan inn chung ah a lut. Voi khat hmanh hi bantuk kan tong bal lo. Kan hawikom kan i chawnh cio hna tikah Yangon ramṭhen peng tam deuh ahcun ti a lian,” tiah Yangon ummi pakhat nih a chim.

Ti a ngan tuk caah Shwepyithar peng 14 lam tonnak pawng ti a kai tuk i, sehzung rianṭuanmi cheukhat zong an thlah hna. Motor aa chawkmi zong ti a ngan tuk caah an dir dih, tiah theih a si.

Yangon khuasa laimi pakhat nih cun, “Cat loin ruah a sur peng ko. Nihin August 17 zong a sur ko. Kannih lei bel hi cu kan umnak a sang deuh i ti lian nih a phummi a um hraw rih lo. Nihnih chung a sur rih lai an ti,” tiah theih a si.

Be the first to comment

Leave a Reply

Your email address will not be published.


*