ZUALKO : Apoi Tuk Hringhran Ai E Hniarlawn Khuami Pakhat SAC Ralkap Nih An Kah Thah E

SAC Ralkap Nih Hniarlawn Khuami Pakhat An Kah Thah. Chin ramkulh, Hakha peng Hniarlawm khuami Salai Mang Lian Sang cu nihin July 25 ah ralkap nih an kah thah, tiah kan theih. Hniarlawn khuami pakhat nih,” ralkap pawl cu zing sml 11:00 hrawng ah kan khua an phan.

A cheu cu lo ah kan kal hna, Inn ah um mi zong cu an um thiam hna, Ralkap an ra ti thawng theih in khuachung ah kan um ngam lo. Salai Mang Lian Sang hi tualleng ngakchia va chanh ding in a kal lioah ralkap nih an kah thah hi a si,” tiah The Chin Post ah a chim.

A ruak cu kan laak khawh cang. Ralkap pawl tucu khoika dah an um, an kal ti kan thei kho lo tiah a chimchap. SAC ralkap nih July 23 chun ah Hakha khua chung ah Cycle aa chawkmi mino deuh cu an rak chek ngaingai hna, tiah kan theih. Credit : The Chin Post

Thawngpang dang relchap : SAC Ralkap Methal A Lak Piak I A Zaam Mi Hakha Mino Pakhat I A Nu Le A Pa Inn An Phihkhar Piak Hna

SAC Ralkap Methal A Lak Piak I A Zaam Mi Hakha Mino Pakhat I A Nu Le A Pa Inn An Phihkhar Piak Hna Hakha ah ralveng mi SAC ralkap hna cu zu a dangh hna i an meithal lak piaktu Hakha Dawrthar sanh um cu Mino pakhat i an inn cu SAC ralkap nih July 23 ah an phihkhar/ hrenh piak hna tiah theih a si.

” Cu an phihkhar piakmi inn cu inn ngeitu n um lonak sau cang. SAC ralkap nih nawlngeihnak an lak hnu mizapi vengtu ralkap hriamtlai an dirh kaa te ah mino te a si mi nih SAC ralkap hna cu zu a dangh hna i meithal pakhat a zaampi. Cu thok in an chungkhar ning in SAC ralkap nih an kawl hna ” tiah a chim.

Cu Mino pakhat le a chungkhar hna cu 2021 thok in khan a himnak hmun ah an zaam cang tiah theih a si. Credit : The Chin Post

Be the first to comment

Leave a Reply

Your email address will not be published.


*