Zaw Mee Lung Nih A Vun Sermon Mi Cu A Lar Kho Taktak!!

Mit I Cit, Hnakhawh I Phit In Daih Sawhsawh A Ngah Lo-SAC Ralhrang
===============================
Kaya ramkulh, Loikaw khuapi ah a um mi Loikaw airport cu September ni 30 zinglei ah MNA khualtlawng phortu vanlawng kahdoh a tonnak kongah KNPP phu lei nih kan mah kan si lo tiah lehnak an tuahnak kong he pehtlai in SAC ralhrang in chimphuan ngeitu Zaw Min Htun nih a chim.

An nih pawl cu sahrang phu pawl tuanvo laaknak, tuanvo ngeihnak zong an ngei lai lo. Nizaan zongah ka chim cang i a pakhatnak bik ah hi kaa hmunhma lei ah a cang mi cheukhat cu tuanbia zoh nakin theih khawh a si ko ko.” tiah a chim. Sahrang KNPP le PDF a hrang mi pawl nih hlan deuh zongah khuapi lak kahdohnak kan tuah cang lai tiah an ti i Loikaw khuapi chungah kahdohnak an tuah i khuapi chung um mipi tampi cu khuapi in an zaam dih hna, ti zong in a chim.

A tu hnu lei ah Tatmadaw lei nih daihnak ngah than dingah tuanvo an laak cuahmah lio a si caah mipi lei an mah le hmunhma cio ah an um khawh cang ko. Loikaw khuapi kiangkap hmunhma cheukhat khuate ah cun a lut chuak mi zong an um ko.” tiah a chim.

Hlan deuh zongah Loikaw airport cu 107mm in an kah doh i, kan mah kan si tiah thawngthanhnak an tuah pinah kan mah nih kan kahdoh mi a si tiah cathanh an chuah, ti zongzin a chim. ” Khuatlawng vanlawng kahdoh timi hi vawleicung ram pumpi ah zei ram le zei phu hmanh nih an cohlan lo mi, an duh lo mi a ngan tukmi sual tuah a si caah an mah lei nih ‘kan mah kan si lo’ an ti mi hi a si.

Kan mah lei in ka chim duh mi cu a tak in a fak tukmi lehrulhnak tuanvo kan lak lai. Ka chim duh mi cu an mah lei in tuanvo lak nak, tuanvo ngeihnak a um lai. Hlethlainak (Zohfelnak) an tuah lai. Hlethlainak (Zohfelnak) tiah loin hibantuk cu mit i chit, hna(hnakhaw) i phih in daih sawhsawh a ngah lo. An hruaitu pawl nih an hruaimi hna sahrang PDF pawl cu hihi tuah, hihi cu tuah hlah timi pawl cu an mah lei nih tha tein hleihlainak tuah dih hnu lawngah chim a ngah lai.

Cu bantuk in cun tuah a herh i kan theih mi vialte, kan ngeih mi vailte thil sining ningah cu thiltuahnak cu KNPP le PDF ti dah lo cun a tang mi minung hna nih cun an tuah nak dinglam aum lo. ” tiah a chim.

Be the first to comment

Leave a Reply

Your email address will not be published.


*