Yesagyo PDF Ralkap Pakhat Nih Nun Thap In Bomb A Puah Caah SAC Ralkap 15 An Thi

Magway ramṭhen, Yesagyo peng TeyTaw khua phungki umnak ah umhmun khuarmi SAC ralkap pawl cu, a luancia July 8 zanlei sml 6:30 hrawng ah Yesagyo Revolution Group – YRG in PDF ralkap pakhat cu SAC ralkap nih an tlaih, tiah YRG in chimphuannak nawlngeitu ZeRo nih a chim.

An tlaih mipa cu a zam khawh ti lo caah kutser bomb lung 3 in SAC ralkap pawl cu a puahhnawh hna caah ralkap 7 an thi i, a dang ralkap 8 hrawng cu sii-inn ah an thi, tiah theih a si. Amah zong a nunnak liam ve.

“A nunnak liammi ralkap pa cu training zong kai lomi a si. Zingka ah uico pawl he kan i kap a theih lo caah an khua lei a kal lioah phungki umnak inn hmai ah ralkap nih an kulh. Cucaah a nunnak pek in bomb lung 3 a puah caah uico 15 an thi,” tiah YRG in ZeRO nih a chim.

A nunanak liammi PDF ralkap a ruak le TeyTaw khuami 2 hna an ruak cu, SAC ralkap nih mei in an khangh hna, tiah theih a si. A nunnak liammi PDF ralkap pa cu Yesagyo Revolution Group – YRG nih upatnak sang bik kan pek, a chungkhar kong lam cu kan langhter lai lo, tiah an thanh.

SAC ralkap le Yesagyo Revolution Group – YRG July 8 zinglei in kahdohnak a chuak i, SAC ralkap lei in a thimi an tam caah phungki umnak inn ah umhmun an khuar tiah theih a si. Credit : The Chin Post

Be the first to comment

Leave a Reply

Your email address will not be published.


*