US Nitlak Lei, California I Meikaang Ruangah Minung 6000 Leng An Umnak Hmun Chuahter A Si

US Nitlak Lei, California I Meikaang Ruangah Minung 6000 Leng An Umnak Hmun Chuahter A Si! United States Nitlak lei, California i a ummi Yosemite National Park pawngkam cu US lei nicaan July 22 zanlei khan an kaang i, a thaizing tiang ah cu ramkang a chuak mi nih cun 4,800 hectares (11,900 acres) in a kau mi ram a ciamhter dih caah, minung nunnak ca ah ṭihnung a si ko, ti in cuka pawngkam i a ummi minung 6000 leng cu an umnak chuahtak ding in nawl pek an si. Cupinah, California Governor Gavin Newsom nih July 23(US caan, Myanmar 24 July) ahkhan Mariposa pengkomh chung ah State of emergency a phuan.

July ni 22 ah a chuak mi ramkaang nih hin a thaizing July 23 tiang ah minung umnak inn 10 a hrawh cang, tiah theih a si. Sierra National Forest in ṭuanvo ngeitu Daniel Patterson nih cun, “Ramkaang cu a khul a rang tuk i, nizaan chung lawng ahkhan a kanghnak hmun in 3 km tiang cu vutcam a canter khawh,” tiah a chim.

Hi ramkaang hi tukum chung California State i a chuakmi mei vialte lak ah a faak bik mi a si i, mei thattu(firefighter) 400 leng nih helicopter, bulldozers le vanlawng he an si khawh chung in mei hmit ding in an rian an ṭuan cuahmah lio, tiah Aljazeera nih a ṭial. Credit : The Chin Post

Be the first to comment

Leave a Reply

Your email address will not be published.


*