United Nations Special Envoy on Myanmar Noeleen Heyzer cu nihin August 16 ah Myanmar ram tlawn ah a rak i thawh, tiah UN nih an thanh. Noeleen Heyzer cu Myanmar ram ah a cang cuahmah lio mi buainak kong tawlrel ding in rianpek a si bantuk in Myanmar ram a rak tlawng lai, tiah theih a si.
Noeleen Heyzer cu Myanmar a um chung ah Zatlang bu hna le ṭuanvo ngeitu hna he zong tonnak a ngei lai. Noeleen Heyzer cu nikum October thla in hi rian hi khinh a si i atu hi a voikhatnak Myanmar a phak ding a si.
Myanmar ramchung um Zatlang bu le ṭuanvo ngeitu hna he tonnak ka ngei lai tiah thawng a thanh nain Aung San Suu Kyi he tonnak nawl a hmuh le hmuh lo cu theih a si rih lo.
SAC lei nih cun Aung San Suu Kyi cu biaceih cuahmah lio mi a si caah ton khawh a si lo, tiah ASEAN palai Combodia ramleng minister zong tonnak nawl an rak pe lo.credit.the chin post
Leave a Reply