Tuzing ah Ralhrang nih Khua An Khangh Hoi Cang

Tuzing Sept., 26 ah ralhrang nih Poh Myone, Kyung Su Ain khua an khangh piak hna. Khuami dihlak raltang ah an zaam dih hna tiha KTM nih alanghter. Ralhrang hna hi nizan Myain nitlai leiin an ra in tuzing zingka te ah Kyung Su Ain khua an lut. Khuachung an luh bak in inn khangh hram an thawk colh. Kyung Su Ain hi inn dong 200 fai hrawngte an si nain zinan chuahnak hmun a si caah minung an chah ngai.

Aliamcia caan ah ralhrang nih hin Kyung Su Ain bantuk in vawlei tang thil chuahnak hmun hna cu an luh hnawh hna I, company pawl an chuh theo hna. Tutan zong hi khuachung ah kahdohnak a um bak lo nain, khuachung an luh cang kain inn khangh hram an thawk colh, inn pazeizat dah a kaang timi belte theih khawh asi rih lo tiah We Love Maing nih a chim.