Tutan Ralhrang An Mah Le An Mah An Buai Ning Cu A Sawhsawh A Si Ti Lo, An Buai Nak Fak Tuk Cang

Rakhine Ramkulh Ah SAC Ralkap Nih Anmah An Hawile Ralkap Lila An Tlaih Hna. Rakhine ramkulh, Kyauktaw peng Kansaung(ကန်စောင့်) tlang ah umhmun khuarmi Khah Mah Yah 539 Battalion chungin SAC ralkap 12 cu nizaan October 5 zaanlei ah anmah Battalion chung ralkap lila nih an tlaih hna tiah theih a si.

Nihin October 6 ah SAC ralkap 3 cu Sittwe(စစ်တွေ) khua MABE Battalion ah an kuat hna i, a tangmi ralkap 9 cu a dang Battalion ah an hren hna, tiah tlaih a tongmi ralkap he aa naihniammi sinin theih a si.

Ralkap 12 an tlaih hna pinah an nupi le zong an tlaih chih hna, an fale lawng an luat. Zeiruangah dah an tlaih hna ti cu kan hngal lo. Kan lungre a thei tuk ve tiah a chim chap.

Cu pinah nizan October 5 ah Ann khua palik sakhan in palik 10 cu SAC ralkap nih an tlaih hna, tiah palik he naihniam in a ummi hna nih an chim.

Be the first to comment

Leave a Reply

Your email address will not be published.


*