Tibual Khua Ah SAC Ralkap Le Chin Ralkap Kar Kahdohnak A Chuak Ṭhan, SAC Ralkap Pakhat A Thi

Tibual Khua Ah SAC Ralkap Le Chin Ralkap Kar Kahdohnak A Chuak Ṭhan, SAC Ralkap Pakhat A Thi Chin ramkulh, Falam peng Tibual sakhan um SAC ralkap le Chin ralkap CNDF karah nizan November 23 ah voihnih tiang kahdohnak a chuak i SAC ralkap pakhat a thi, tiah theih a si.

Nizan November 23 zing sml 11:45 hrawngah kaphnih kar kahdohnak a chuak i, zanlei sml 3:00-4:00 karah a voihnihnak kahdohnak a chuak ṭhan. Cu kahdohnak ah SAC ralkap pakhat a thi, tiah Chin National Organization(CNO) nih cathanh an chuah tiah theih a si.

Cu kahdohnak ah SAC ralkap nih mei bomb in an kah ruangah Tibual khua inn pakhat a kaang tiah CNO nih cun an langhter. A luancia November 21 le 22 lio zong ah SAC ralkap le Chin ralkap CNDF karah voithum tiang kahdohnak a rak chuak i, CNDF lei in ralkap pakhat hliamhma hme a pu. Cun SAC ralkap lei in a thimi le aa hliammi an um ko nain fiang in theih a si rih lo, tiah CNO nih an langhter. Credit : The Chin Post