Thawng Tha: RALHRANG RUAK CUNG AH PASALTHA NIH A KE CHIAH

Ralhrang Check gate an phomh, ralhrang minung 4 an thih pin ah minung paruk hliam an tuar rih. September ni 4 ah Sagaing ramthen Kanh Balu peng, Kabu khua ralhrang kawlralkap check gate cu mipi ralkap Tanhse PDF le a bawmtu hna nih suimilam hleikhat le minute 25 ah an kah hna i, ralhrang minung pali an thih pin ah minung paruk hliam an tuar.

Ralhrang kawlralkap hna hi minung 15 an si hna i, an umnak gate ah Tanhse PDF phu fonh hna nih an kah. Hi ralhrang kawlralkap hna hi Ralhrang bawi pakhat nih a hruai hna. Khualtlawng mi mipi hna zong ningcang loin tangka an kholh tawn tiah an chim. Hi konghe pehtlaiin August ni 28 zongah Taungkya khua pawngah ralhrang pahnih an rak kahthah cang hna.Thawng Dang>>>>

NUG nih fiangtein an chim cang. Tulio dothlennak konghe pehtlaiin NUG cozah nih!

thawngthanhnak an tuah. Zeitik ah dah teinak kan hmuh lai timi ah NUG cozah i, humhhimnak lei vuanci Yee Mon nih mipi pawl cu lehnak a tuah hna. Atimi cu ralhrang kan dohning he pehtlaiin zeitin kan cawlcangh lai, ramchung ram leng mipi sin ah chim ding kan ngei.

Aralai mi kum 2023 hi kan caah a biapi taktak mi kum a si. Kum 2023 ah kannih dothlennak phu dihlak fonh in ralhrang kan doh lai i, dothlennak ah teinak kan hmuh lai tihi kan i ruahchan. Cu thil caah zeipaoh kan tawlrel dih cang. Kumkhat chung dothlennak kan tuahmi zoh tik ah ralhrang nih PDF pawl an duhning in an hrawh khawh lomi a thawngtuk mi ralkap an si cang.

Ralhrang nih kum 2023 hi remdaihnak a chuah kum a si lai tiah thawng an thanh ve cang. Kum 2023 ah rampi thimnak tuah an i tim. Culawng siloin tlangcung hriamtlai zong chawnhbiak an timh hna. Asinain tutiang ahcun tlangcung hriamtlai dihlak nih an chawn duh hna lo, hriamtlai phu hra lawng nih ralhrang an chawnh hna.

Nawlngaihnak an lakmi kumkhat le cheu a tlin ah Min Aung Hlaing nih nih kum 2023 ah rampi thimnak tuah ding kan si. Rampi thimnak ah dingfel tein zeipaoh kalpi dih a si i, remnak kan tuah lai. Thimnak ah buainak um lo dingin kan tawlrel lai i mipi kan himnak dingah kilh himnak zong fektein tuah kan tim tiah a rak chim cang.

Hi konghe pehtlaiin Kawlram ramkheel minthang Than Soe Naing nih a timi cu kum 2023 ah ralhrang nih thimnak an timh i, NUG nih cun rampi thimnak hi chuak kho lo dingin an tawlrel ve ko lai tihi kei ka hmuhning a si. NUG chim bangin PDF dihlak an i funtom kho lai maw? Tlangcung hriamtlai phu he i bawm in kum 2023 ah ralpi an tho taktak kho lai maw timi hi mipi thinlung ah a ummi pakhat a si.

Kum 2023 ah PDF phu i fonh dih i, tlangcung hriamtlai pawl he ralpi an thawh taktak a si ahcun ralhrang hi an tei ko hna lai tihi ka zumh. Asinain cu thil a chuahnak dingah cun NUG kut ah zeipoah a um ve ko. Atu dirhmun kan zoh PDF hi tingkhat hrawng an lai tiah ka zumh. Tingkhat ahcun NUG tangah a cawlcang lomi mahtein dothlennak atuahmi phu an um lai.

Cutikah dothlennak cu hmuar angei taktak mi a si ko. Atu ahcun PDF pawl zong hriamnak an pek cuahmah hna lio a si i, an pek khawh peng ko hna lai tihi ka ruahmi le ka zumh mi a si tiah a chim. Ralhrang nih nawlngaihnak an lak thok in ram chung hmunkip ah kahdohnak a chuak.

Be the first to comment

Leave a Reply

Your email address will not be published.


*