Sagaing ramṭhen Yinmapin peng Mayphway tlang pawngah tualchung hriamtlaiphu hna nih SAC ralkap bomb an puah hnawh hna caah 25 hrawng an thi tiah theih a si.
SAC ralkap khattein phurtu PAW mawtaw 2 le SAC ralkap mawtaw pakhat cu BantBwe khualei ah riahcaw chan dingin an kal, an kal pah nihin september ni 19 zinglei suimilam 10 hrawngah a tubantuk in bomb kan puah hnawh hna hi a si tiah Cho Mai Mai tualchung hriamtlaiphu in ṭuanvo ngeitu pakhat nih a chim.
Mayphway tlang an phak hlan ah mawtaw in an ṭum i ke in rallam an sial i kan mah lei nih hmun 5 ah bomb kan puah hnawh hna tiah a chim.
A hmun khatnak kan puah hnawh hna lio ah hin SAC ralkap 21 hrawng an si i 8 hrawng an thi. A voihnih nak cu bomb thianh ding in an ra mi kan puah hnawh ṭhan hna SAC ralkap 7 hi cu hmakhat teah an thi, cun a voithumnak ah SAC ralkap 30 hrawng an si i 8 hrawng an thi ṭhan. A dongnak bik cu BantBwe khua in an rak chuak lio ah voihnih tiang kan puah hnawh ṭhan hna, hmun 5 ah kan puah hnawh hna i a tlawmbik 25 cu an thi lai” tiah Cho Mai Mai in ṭuanvo ngeitu pakhat nih cun a chim.Crd Khit Thit
Leave a Reply