Thapeikkyin Peng Chaungkyi khua Pawngah Humhimnak Latu Ding SAC Ralkap Kahdoh an Tong, Ralbawi Telhin SAC Ralkap 3 An Thi

Sagaing ramṭhen Thapeikkyin peng Chaungkyi khua pawngah humhimnak lading in a ra mi SAC ralbawi pakhat le ayakhanbu (အရာခံဗိုလ်) telhin minung 3 hna cu kan kah hna i an thi, cun hriamnam zong kan lak tiah Thapeikkyin peng Bo Lin Yone hriamtlaiphu nih cathanh an chuah.

Cu kahdohnak ahcun MA-3 meithal zuun 2 , MA-1 zuun 1, 5.56 kuan 413, 9mm kuan 13 , Bomb lung 8, 5.56 kuanbawm 2 an lak tiah theih a si. Cu chung ahcun MA-3 zuunkhat le MA-1 zuunkhat cu kuan khen nak in an rawk tiah theih a si.

Nihin september ni 19 zinglei suimilam 7:30 hrawng zongah Singu (စဥ့်ကူး) peng in FAW mawtaw 2 in rallam sialmi SAC ralkap cu bomb lung 10 kan puah hnawh hna i SAC 8 hrawng an thi tiah an cathanh ah cun an langhter. Credit : The Chin Post