ThanTaung Peng Ni 4 Chung Kahdohnak Ah SAC Ralkap 25 An Thi

Karen ramkulh, Than Taung peng ah July 15 in ni 4 chung kahdohnak a chuak i SAC ralkap lei in Battalion Commander tel in 25 an thi tiah ThanTaung Chaklei mizapi vengtu ralkap phu NTDF chimphuannak nawl ngeitu nih a chim.

Ni 4 chung kahdohnak SAC ralkap Bawi 4 tel in 25 leng an thi, Hliam a tuar mi zong an tam . SAC ralkap hna nih khuate hna ah hriamngan in an kah hna, inn an khangh caah tualchungmi hna cu an zaam dih. Mizapi vengtu ralkal lei in a hliammi kan um lo ” U MohSeik nih a chim.

Than Taung peng ni 4 chung kahdohnak ah ThanTaung Chaklei Special Force phu lawng nih kan doh mi a si i Naypyidaw PDF he dah ti lo zei bantuk mizapi vengtu ralkap phu he i bawm in ral kan doh bal lo tiah a chim chap. Credit : The Chin Post