Tanglei In Lam An Remh Lai I, Cunglei In An Kan Phomh Sual Lai Phan A Um Tuk

Thlapa thlahnih chung Timit hlei remh dingin ralhrang nih ngol lo bakin hriam ngan he an fuh. Pasaltha hna nih an thazaang nunnak dihlak chuah in an kham peng ve hna. Nizan ah Hakha in ralhrang motor zeimawzat nih Hlei remhnak thilri phorh in Timit le an kal JCB zong an i ken chih timi thawng kan theih. Ralhrang nih Timit hlei hi remh hrimhrim an i tim remh khawh hlan lo, remh an i tim ti fiang  tuk in a lang.

Cu caah hi hlei remh khawhnak dingah cunglei in vanlawng/ helicopter an hmang te hrimhrim ko lai zumh asi. Hlei an remh lio ah tanglei ralhrang lawng si loin cunglei in ralvenpiaktu vanlawng an hmang chih lai zumh asi.Rel chap rih>>>>.

Chin ramkulh, Falam khua sizung ah Covid-19 zawtnak a ngeimi mizaw minung 5 kan thlopbul cuahmah hna tiah sizung uktu nih a chim.

A luancia zarh chungah khan SAC ralkap kuttang um ngandamnak lei vuanci zung nih Chin ramkulh, Falam ah Covid zawtnak a ngeimi mizaw pakhat, Tedim ah Covid zawtnak a ngeimi minung 3 an um tiah thawng thanhnak an rak tuah.

Zawtnak a um tiah thanh a si caah leng nan chuah tikah Mask i bunh ding le mi bu in um tibantuk nan hrial lai i nan kut a tu le tu nan thaing tein nan i ṭawl lai” tiah sizung uktu nih forh fialnak a chim.

Covid-19 zawtnak aa chawnhmi hna chungah 80% hi Covid rai khamsi aa chunlo mi an si, 15.9% hi Covid raikham si voi khat aa chunmi an si, 4% hi Covid raikham si tlamtling in aa chunmi an si, 0.1% hi raikham si tlamtling tein i chunh hnu ah aa chun nolhmi an si tiah SAC ralkap kuttang um ngandnak lei vuanci zung nih cathanh an chuah.Crd The Chin Post

Be the first to comment

Leave a Reply

Your email address will not be published.


*