Tamu Pengkomh , Lei Thlam Ah A It Mi Pa Pakhat Cu Hngalh Lomi Phu Nih An Kah Thah

Sagaing ramṭhen, Tamu peng Myo Thit(မြို့သစ်), HleSaih khua ah a ummi Aye Htun(kum35) cu lei thlam ah a ho ti hngalh lomi phu nih nizan July 25 zan sml 9:30 hrawng ah an kah thah tiah theih a si. Aye Htun cu HleSaih khua in ni chuahlei Farlong 7 hrawng a hlatnak a lei thlam chung ah TV in thawngpang a zoh lioah an kah thah.

“A paw ah an kah i lai meithal(Thal pak) in kap hna sehlaw a lo bik. Zei ruang ah dah an kah ti cu kan hngal lo. Hika hmunram hrawng hi SAC ralkap le Pyosawhti an um kal ngainak a si,” tiah tualchung mi pakhat nih a chim. Credit : The Chin Post

thawngpang dang relchap : Shwe Thaung Yan Ah Rammi Sinak Ngei Lo Mi 46 An Tlaih Hna!

Shwe Thaung Yan Ah Rammi Sinak Ngei Lo Mi 46 An Tlaih Hna! Ayayawady ramṭhen Pathein peng, Shwe Thaung Yan(ရွှေသောင်းယံ) tiva kam ah tilawng in a ra mi rammi sinak a ngei lo minung 46 cu ti lei ralkap nih an tlaih hna, tiah tualchung mi nih an chim. Shwe Thaung Yan tiva kam in a rak lut mi hna cu July 23 zaan Sml 12 ah khan navy le palek nih security an laak lio ah an tlaih hna, tiah theih a si.

Rammi sinak ngeih lo ruangah tlaih a tong mi hna cu minung 46 an si i, cu chung ah cun pa 22 le nu 24 an si. Shwe Thaung Yan palek sakhan ah an konglam hlathlai lio a si, tiah theih a si. Yegyi peng ahhin July 9 ah khan Rakhine ramkulh chaklei in a lut mi, rammi sinak a ngei lo minung 51 an rak tlaih bal cang hna. Credit : The Chin Post

Be the first to comment

Leave a Reply

Your email address will not be published.


*