Tamu Ah SAC Kuttang Um Phyosawhti Pahnih Cu Anmah le Anmah An I Kap!

Tamu Ah SAC Kuttang Um Phyosawhti Pahnih Cu Anmah le Anmah An I Kap!

India-Myanmar ramri, Tamu Myoma 12/b block, Pahe hleidawnh pawng ah Phyosawhti ruak 2 cu August 7 ah palik nih an char hna, tiah khuami hna nih an chim. Cu thil a can nak a ruang cu August 6 zaan ah Phyosawhti 2 cu zu dawr ah ṭhu in zu an din lio ah bia an i el i, meithal in an i kah caah an pahnih ning in an thi tiah theih a si.

A thimi hna cu Myoma 12/b sang i a ummi kum 20 hrawng a simi Aung Zaw Lin le Myo Min Htun hna an si.

SAC ralkap hna nih a thimi hna cu PDF nih an tuah mi a si ko lai, tiah an chim i, Pahe hleidawnh ah security an lak tiah khuami hna nih an chim. Security an lak lio ah cycle in aa chawk mi pakhat cu SAC nih dirter an timh i, a dir duh lo caah meithal in an kah. Cu hnu ah an tlaih i, kutcheh bomb lung 4 an tlaih chih, tiah SAC media nih a langhter.

Be the first to comment

Leave a Reply

Your email address will not be published.


*