SAC ralkap nih Aung San Suh Kyi cu thimnak (Election) phung buarnak case in kum 9 thong thlak chap ding in bia an khiah piak ṭhan caah biakhiahnak an tuahpiak mi dantatnak dang hna he cun a dihlak ah kum 20 thong tla ding a si.

Kum 76 a simi Aung San Suh Kyi cu kum 11 thong thlak ding in biaceih zung nih bia an rak khiah piak cang. Nihin September 2 ah sualtuahnak case 4 in bia an khiah piak i, case 3 ca ah kum 6 thong thlak ding le case 1 caah kum 3 thong thlak ding in bia an khiah piak. Aung San Suu Kyi cu a diklak ah thong kum 20 tla ding a si cang, tiah theih a si.

Aung San Suh Kyi cu Min Aung Hlaing nih 2021 Febuary 1 ah nawlngeihnak a rak laak lio ah phung ning loin an rak tlaih i, nihin ni tiang sualkawlnak an tuah peng. Suu Kyi hi bia an ceihpiak bantuk in kum 20 thong a tlak ahcun a chuahlai ah kum 96 mi a si lai.CRD THE CHIN POST

Argentina Vice President Meithal In Kah An Timh Nain Meithal A Puak Lo!

Argentina Vice President Cristina Fernandez de Kirchner cu mi pakhat nih meithal in a kah nain a meithal a tlolh, tiah theih a si. Vice President cu a inn hmai ah amah a dirhkamhtu mipi chawnhbiak aa timh lio ah a hnu lei in kah an timh. Kah a timtu pa hi Brazilian mi kum 35 hrawng a si i Palik nih an tlaih i, kah a timhnak a ruang chekhlat cuahmah lio a si.

Atu bantuk thil a cang mi hi Argentina nih 1983 kum hnu in Democracy phung an hman hnu ah zohchia bik mi tuahsernak pakhat a si, tiah President Alberto Fernandez nih cun a chim. Vice President Cristina Fernandez de Kirchner cu eihmuarnak kong ah biaceih cuahmah lio a si i, amah nih cun eihmuarnak case in tazacuai mi cu a cohlang lo.