Student Union Chairman A Rak Ṭuanmi CDM A Tuahtu Sayamah Pakhat Cu Kum 7 Thongtla Ding in Bia An Ceihpiak

Student Union Chairman A Rak Ṭuanmi CDM A Tuahtu Sayamah Pakhat Cu Kum 7 Thongtla Ding in Bia An Ceihpiak Mandalay ramṭhen, Meiktila University ah Student Union chairman a rak ṭuan balmi CDM a tuahtu sayamah Te Suh Naing cu tlaih a ton hnu thla 9 hnu, nihin August 29 ah kum 7 chung thongtla ding in SAC baiceih zung nih biakhiahnak an tuahpiak, tiah theih a si.

Sayamah Te Suh Naing cu a pa he a luancia kum 2021, November thla ahkhan an umnak inn ah SAC ralkap nih an rak tlaih hna, tiah theih a si. Tlaih an ton hnu ah upadi ning in SAC nih taza an cuai i, thla 9 a rauh hnu ah atu bantuk in biaceih zung nih bia an ceihpiak. Sayamah Te Suh Naing cu tlaih a ton lio ah a kee a rak kiak i, a kee cu nihin tiang ah ṭha tein a dam rih lo, tiah theih a si. Credit : The Chin Post