Sports News; Ronaldo Harnak Faktuk In A Tong E A Poi Ko!!

Ronaldo A Thil Tuah Sual Mi Ruangah FA Nih Sualphawt Nak Statement A Chuah!!
=================
A luncia mi Season a dih lai ah lungzur ngai in sungzatlak nak he sunghpuai a ton hnu ah Everton fan pakhat i a phone cu a khuai piak caah Man-U hmaikal Ronaldo cu England Football Association FA nih sualphawt nak Statement a chuah tiah kan theih. Kum 2022, April thla ah Everton puai ah an sungh hnu celhtual chungin Ronaldo cu a rak chuah lio ah Everton fans pawl nih Video an thlak i Ronaldo nih cun thinhung ngai cun lehnak a tuah hna i, Everton fan pakhat a phone cu a laak i a khuai piak (a tengh) tiah theih a si.

Ronaldo cu, cu thil tuah nak kong he pehtlai in Marseilles polices phu hna nih ralring an peek i, a tu ah cun FA nih zulhphung (siikann) no-4 a si mi sahrang thil tuah (Terrorism) tiin sual phawt in Statement an chuah tiah theih a si. Cu thil ruangah Ronaldo nih ngaihthiam a hal hna i, cu Everton fan pakhat cu Old Trafford Stadium ah puai zong dingin a sawm ko nain Everton a fan i a nu le pa hna nih an hnawn an duh lo, tiah theih a si.

Kum 2022 April ni 9 ah Ronaldo nih, cu thil a tuah mi cu a zoh aa dawh mi a si lo bantuk in Sahrang thiltuah a si tiah FA nih cu Statementah cun an langhter. Ronaldo nih phone a khuai piak mi Everton fan pa cu kum 14 lawng a si rih i, cu thil a chuak mi cu ka khuaruah a har tuk tiah, a nu nih an chim.

Ronaldo nih a thil tuah sual ruangah ngaihthiam a hal ko hna pinah Everton fans cu Old Trafford Stadium ah puai zongti dingin a sawm ko nain khat ta lei nih an i lungsak kho hrimhrim rih lo.