Sagaing Ramṭhen Peng Pathum Ah NUG Nih Palik Phu A Dirh

Sagaing ramṭhen peng pathum ah palik phu kan dirh cang, tiah NUG Ministry of Home Affairs and Immigration zung nih nizan September 1 ah cathanh an chuah.

NUG nih a dirhmi palik phu cu 2022 palik upadi section 14(b) ning in mizapi lei ṭang palik phu kuttang ah a um. NUG nih peng pathum ah a dirhmi palik phu hna cu Kalay peng palik, Tamu peng palik le Walet peng palik phu hna an si.

Kalay le Tamu peng in CDM palik hna cu CDM palik Committee rak dirh hram thawk ah khan Ministry of Home Affairs he rianṭuan ṭinak an rak ngei cang, tiah theih a si. Cu bantukin Kalay peng palik phu hna cu, Kalay Services Police(KSP) tiin an rak dirnak kum 1 leng a si ve cang.

NUG nih a luancia 2022 June thla ah palik phu zung cu a rak hun khawh i, palik bawi bik, palik bawi bik chang, thil cangmi kongkau hlathlaitu le thawngpang hlattlaitu phu tiin a rak ser. Cu pinah CDM palik Committee phu nih palik upadi a hran an rak ṭialmi cu, Pyidaungsu Hluttaw nih 2022 May thla ah fehternak an rak tuah, tiah theih a si.crd the chin post

Be the first to comment

Leave a Reply

Your email address will not be published.


*