SAC Ralkap Nih Karen Mino 23 An Tlaih Hna

KNU hmunhma ,Lay Do(လယ်ဒို)(Kyaukgyi) peng ah SAC ralkap nih Karen mino 23 an tlaih hna i an ban an leh hna pin ah an tuk velh hna tiah KNU nih thawng an thanh. July 13 ah KNU-Khalay Luihtoo(ခလယ်လွီထူ)(Nyaunglaypin) pengkomh Lay Do peng Daungmuh(ဒေါင်းမို့) khuakomh Alaysuh(အလယ်စု) khua le Wapinsuh(ဝါးပင်စု) khua ah SAC ralkap an lut i khuami an tlaih hna hi a si.

Khuami an tliah hna leng ah inn pawl an thlawk dih i thilri cheukhat an i lak tiah KNU an cathanh ah an langhter. SAC ralkap nih khuami an tlaih mi hna lak ah tar, nu le ngakchia cu an thlah țhan hna nain mino pawl tu cu an thlah hna lo tiah cathanh ah an langhter.

Cu an tlaih mi mino hna lak ah Burma(kawl) miphun cu hrem loin, Karen miphun pawl lawng an hrem hna tiah KNU nih an chim. Credit : The Chin Post

thawngpang dang relchap : TaungNgu Pengk Kahdohnak Ah SAC Ralkap 10 Leng An Thi

TaungNgu ( တောင်ငူ)pengkomh , ThanTaung chaklei ah SAC ralkap le NTDF karlak ah July 12 le 13 hna ah kahdohnak a chuak i SAC ralkap 10 leng an thi, hliam a tuar mi an tam tiah NTDF sin in theih a si.

July 12 chung Sml 1:30 hrawngah Yaetar Shay peng, DaungInn Kone khuakomh, LayTha khua ah SAC ralkap le NTDF karlak ah hmaitonh kahdohnak a chuak i SAC ralkap 3 an thi tiah theih a si. Nizan July 13 zanlei Sml 5:00 ah KyuaKaan- ToneBu lamthluan ah rallam sial in a ra mi SAC ralkap hna cu NTDF nih a kah hna i 9 leng an thi, hliamtuar an tam tiah NTDF Duh – tuanvo ngeitu nih a chim.

” KyuaKaan – ToneBu lampi ah SAC ralkap minung 42 in an ra mi cu hriamngan lung 2 in kan kah hna SAC ralkap 9 an thi, hliam a tuarmi an tam i hliam a tuarmi hna chung zongah an thi chap kho. Mawtaw 3 in an ruak an rak char” tiah NTDF Duh – tuanvo ngeitu U HmokSik nih a chim.

KNU Brigade 2 hmunhma, Yeatar Shay peng chung rallam a rak sialtu SAC ralkap le ThanTaung chaklei um mizapi vengtu ralkap (NTDF ) karlak ah nifatin ti tluk in kahdohnak a chuak tiah theih a si. Credit : The Chin Post

Be the first to comment

Leave a Reply

Your email address will not be published.


*