SAC Ralkap Nih An Tlaihmi Nu Pakhat Cu Palik Pakhat Nih A Zaam Pi

SAC Ralkap Nih An Tlaihmi Nu Pakhat Cu Palik Pakhat Nih A Zaam Pi. Mandalay ramțhen, Myiktrila pengkomh, MaHliang peng palik sakhan ah PDF hna cu phaisa na bawmh hna tiin an tlaih i puhmah 50 in sual an phawt i thong an thlak mi nu pakhat cu palik sakhan um palik pakhat nih nizaan July 10 ah a zaampi tiah theih a si. Thong tlami nu cu chikhat leng a chuah kar te ah palik pakhat nih a zaampi i a tu tiang a tlaih țhan kho rih lo tiah khuami hna sin in theih a si. Credit : The Chin Post

thawngpang dang relchap : SAC ralkap Nih Sai Naing Lay Khua Hriamngan In An Kah, Khuami 1 Thi, 6 Hliam An Tuar

Sagaing ramțhen, Shwebo pengkomh, Watlat peng, SaiNaingLay ( စိုင်နိုင်‌ေလး)khua chungah , Nizan July 10 ah SAC ralkap nih kahdohnak zeihmanh a um lo nain hriamngan he hriamhme he an kah ruangah khuami pakhat a nunnak a liam i paruk hliam an tuar tiah khuami hna sin in theih a si.

” Hriamngan in an kan kah hramhram, a nunnak a liammi khuami pakhat cu nizan ah kan vui cang. Hliam a tuarmi 6 chungah hin an nunnak caah thinphang in a ummi 2 an um rih ” tiah khuami hna nih an chim.

July 3 zongah Watlat peng Min khua kahdohnak ah Local PDF 5, Pah – Kah- Phah – 3, khuami 2 an nunnak a liam i 4 hliam an tuar. An nunnak a liammi hna chungin 4 cu hriamnm chiahter in an tlaih hna i an kahthah hna tiah mizapi vengtu ralkap phu hna nih an langhter.

Be the first to comment

Leave a Reply

Your email address will not be published.


*