SAC Ralkap 2 Chinland Defense Force – Hakha (CDF – Hakha) Sin Ah An Lut

SAC Ralkap 2 Chinland Defense Force – Hakha (CDF – Hakha) Sin Ah An Lut, Nizaan February ni 20 ah Chin ramkulh, Thantlang khuachung i a ummi Battalion 269 ralkap 2 cu hramhram in uknak a latu SAC ralkap rianṭuannak kan duh lo, mipi dohthlennak (Pau Dohthlennak) ah kan i tel ve lai tiah meithal zun 2 (MA3 – pakhat le MA1 – pakhat), meithal kuan – mu 674, Magazine – 9, kuthlonh bomb – 4,60MM – kuan 3 le a dangdang thilri hna he Chinland Defense Force – Hakha sin ah an lut tiah theih a si.

Atu bantukin Chinland Defense Force – Hakha sin ah lut in dohthlennak a tuahmi hna cu lunglawm tein an cohlan hna i minung pakhat ah phaisa sing 30 an pek hna leng ah a humhimnak hmun an phak tiang ṭuanvo an laak hna tiah theih a si. Credit : The Chin Post