Yangon ramṭhen, Hlaing Tharyar peng No.3 sang um Pyusawhti hruaitu, Zaw Lin cu nizan September 1 ah Mother Son Yangon Force le Tigers Five Guerrilla phu nih an thah, tiah theih a si. Hlaing Tharyar No. 3 sang um, Pyusawhti hruaitu Zaw Lin cu September 1 zanlei sml 4:00 hrawng ah meithal zun 2 in kan kah, tiah Mother Son Yangon Force in Bo Naing nih a chim.
Dala Peng Ah Sang Khuabawi Chungtel 1 Kah Thah A Tong : Yangon ramṭhen, Dala peng Tamada(သမ္မတ) tidil sang ah sangbawi kuttang Soe Min Oo le a hawile cu August 30 ah kah an tong i, Soe Min Oo cu a hmun ah a thi colh, tiah theih a si.
August 30 zanlei sml 5:00 hrawng, lakphak dawr an ṭhut lio ah hmuahchih in an kah hna i, Soe Min Oo cu a hmun ah a thi colh. SAC ralkap thawng petu le sangbawi chungtel an si, tiah theih a si.
Ayartaw Peng Ah Municipal officer Kah Thah A Tong: Sagaing ramṭhen, Ayartaw(အရာတော်) peng Ayartaw khua No.1 Aung Mingalar sang, ti peknak sehzung pawng ah Municipal officer Wa Wa Shwe cu, a luancia August 24 ah meithal in kah a ton pinah nam in an sawh i a thi, tiah theih a si.
Yephyo ah PDF Le CDM Min Cazin A Hlattu Dalan Kah Thah An tong: Tanintharyi ramṭhen, Yephyo peng Egani khuami Naw Kua cu, PDF le CDM tuahtu min cazin a hlathlai lio August 25 ah kah thah a tong.
Cu bantukin August 27 zan sml 8:00 hrawng ah Yephyo peng Pakazun khua ah SAC ralkap thawng petu, Saw Min Htwe le Ye Myint Oo zong kah thah an tong, tiah theih a si.
Kalaymyo Le Mandalay Ah SAC Lei Ṭangmi Pahnih Kah Thah An Tong: Sangaing ramṭhen, Kalay peng Chan Mye Aung Si(ချမ်းမြေ့အောင်) sang um, Department of Livestock and Health in Dr. Myint Win cu August 27 ah kah thah a tong.
Mandalay ramṭhen, Pyikyi Takhun peng Tinpankone(သင်ပန်းကုန်း) sang, inn hra uktu San Maung cu August 28 zan sml 7:00 ah kah thah a tong, tiah theih a si.
Intaw Le Shan Ramkulh ah Pyusawhti Pa Le Dalan Pakhat Kah Thah An Tong: Sagaing ramṭhen, Intaw peng Meza khuami Pyusawhti Maung Naing cu August 29 ah a hawile va dong ding in a kal lio ah Intaw PDF nih an tlaih i, an fimhlawm.
Shan ramkulh, nichuah lei Maingye peng No. 1 sang um 909 datsi dawr ngeitu Aung Aung Ko cu August 28 zan sml 9:45 ah an datsi dawr chung ah an kah thah, tiah theih a si.
Sagaing Peng Ah SAC Kuttang Kyaw Naing An Thah: Sagaing khuapi City(စီတီး) sang um SAC kuttang rianṭuantu, sang chung mi tangka haltu le mi tlerhkhonh a hmangmi Ya Ya Kah(ရယက) Chairman Kyaw Naing Cu September 1 zing ah kah thah a tong, tiah theih a si.(Photo: Phyusawhti hruaitu Zaw Lin) Credit : The Chin Post
Leave a Reply