Rambuai Ruangah Sifak Le Miharsa in A Um Mi Hna Cu Esther Dawt Chin Sung Eidin Facang A bawmh Hna

Lunglawmhnak Taktak: Rambuai Ruangah Sifak Le Miharsa in A Um Mi Hna Cu Esther Dawt Chin Sung Eidin Facang A bawmh Hna, Laimi Harsa Caah Facang Bawmhnak A Pek Lunglawmhnak Thawngthanh

Kan lai Arfi hlasak thiam Muidawh Leng Esther Dawt Chin Sung nih, Kan Miphun hawi, ei le din Miharsa hna caah, zawnruahnak nganpi he Facang tun (10) bawmchanhnak a Kan pek.

Lunglawmhnak chimcawk lo Kan ngei, Esther hi Kan Miphun harnak Kan ton caan paoh ah chaw le va Lawng si lo in bia le hla zongin a Kan ttanpi tu le a kan dirhkamh tu a si. Bawipa nih Kan miphun bawmchan tu ah thluachuahnak pe zungzal ko seh.

Hlasak thiam Esther Dawt Chin Sung cu Chin miphun chung ah Myanmar Idol hlasak zuamnak ah winner a ngah hmasa cemmi a si.

thawngpang dang relchap : Kawlin Ah SAC Ralkap Nih Vanlawng Kahnak In Naupawi Lio Pakhat Le Tualchung Mi Pathum An Nunnak A Liam!

Sagaing ramṭhen, Kawlin peng thlanglei khuate ah SAC ralkap nih vawlei le van lei he ni 10 chung kahdohnak an tuah caah naupawi lio nu pakhat le tualchung mi 3 an nunnak a liam. Tualchung mi a thong leng harnak an tong, tiah Kawlin- Pah Kah Pha nih an thanh.

SAC ralkap nih a luancia August 23 zing sml 11:35 in Kawlin ramri Aungchanthar khua cu, vanlawng in an kah hnu ah a pawngkam khua hna zong nizan September 2 ah voi 5 vanlawng in an kah, SAC ralkap nih ke in rallam an sial i, inn le lo an khangh, tiah theih a si.

“Aungchanthar khua cu inn 87 a um i, inn tlawmpal le phungki umnak inn lawng a taang. A dang cu SAC ralkap nih an khangh caah a ciam dih. Thitseihkone(သစ်ဆိမ့်ကုန်း) khua sianginn ah PDF an riak ṭheo lai ti an ruah caah SAC ralkap nih an kah i, a pawng inn a khen caah khuami 4 an nunnak a liam. Naupawi lio nu pakhat le kum 6 le cheu ngakchia pakhat zong an i tel,” tiah Kawlin-Pah Kah Pha ṭuanvo ngeitu nih a chim.

Aungchanthar khua pawng khuate 4 cu SAC ralkap nih vanlawng in an kah hnu ah cuka khua pawngkam ah ralkap 120 hrawng nih rallam an sial i, Aikyi(အိုင်ကြီး) khua ah umhmun an khuar, tiah theih a si.

Aikyi khua pawngkam hrawng ummi khuami a thong leng cu a himnak hmun ah an zaam i, PDF nih chanhchuah ding in an i zuam.

Cu pinah Kyunhla(ကျွန်းလှ) peng, Teypinseih(တည်ပင်ဆိပ်) khua zong SAC ralkap nih vanlawng in an kah hnu ah an khangh. Mei nih kanghnak ruak 3 le ti ah a vuanmi ruak he a diklak ruak 9 kan hmuh. Mi zeidah an si ti cu kan hngal kho rih lo, tiah Kawlin-Pah Kah Pha in ṭuanvo ngeitu nih a chim.