Ralhrang Sakhan Pekhon PDF Tatyin-2 Nih An Kah I Ralhrang A Nung In Zeimaw Zah An Tlaih Hna

Shian – Kaya ramri SAC ta Thririh sakhan in a nung in tlaih a tong mi ralkap hna nih kir an duh lo nak kong an chim tiah Pekhon PDF tatyin -2 nih nihin september 2 ah an thanh.

Tlaih a tong mi hna hi May 2 ni lio i Pekhon PDF B -2 le KNDF B3 hna nih Thririh tatsakhan an kah hna nak i hriam a chia mi ralkap (5) hna cu an si.

PNO (3) le ralkap(2) an si i Miphun remrual nak cozah/ Venhim nak lei wanci thanah / အလယ်ပိုင်းတိုင်းစစ်ဌာနချုပ် ah an chiah hna nak theih a si.

September 1 ni ah Pekhon PDF B-2 nih an va ton hna i A zi zut lai kan tih caah kan kir duh rih lo ngandam te le siarem te in kan um nak kong tu kan chung le kan chimh piak hna u tiah bia cah an ngeih hna tiah kan theih. Crd: LKZN

Avanzing Collection Nih Parborhsung Thawi Kong Ah Final Result A Tuah Nak

Tutan parborhsung thawi Kong buai nak cu hi kaa hin Kai hrawm ka ruah Ning si ve. Laithil ser chuah than tu Aidii ai zuam nak upat awktlak bak cu si.Vawilei cung thil sining in zoh tik ah copy cu an kham tuk ko nain a um thiam, Aidi thil cu a man fah tuk caah ram2 nak um lainu leh bang nih cun kan i cawk kho bak loh, pipu ro hlei in Idea kan chuah khawh tung lo ahcun Lainu nih ngei kho dih ding in kuttah le sehtah fakhat phei a um awk asi i laithil hi lainu nih kan i tuah khawh dih ding in kan zuar awk asi ko ti hi tutan buai nak ah aphi ka chuah mi si.

Note: A ho hmanh tanh hlei ka ngei loh a fiang ko mi tu cu Aidi thil hi lainu nih i cawk kho dih sih law hi buai nak hi a chuah lai loh. Thami Kheng Lawt

Aidi thil le mi idea: Mah tein chuah mi idea mi nih an i cawn tik ah le an zuar khawh deuh tik ah lung nuamh lo cu a phung a si ko. Keimah zong thil tuh hi ka duh lo ngai i Bags a tuh pawl Brand tha2 FB i kan u le nih an zuar mi hi ka caw bal lo (MK,CC,Gucci,LV tibantuk). A tuh a tuah tu China zong taza an cuai len ko nain a tuah thiam2 ko, cun US zong ah khi bantuk a zuar mi hi an mih hna ah cun thawng an tla ko i a si awk zong asi ko.

Sharktank water bottle. A tang lei water bottle hi Taluk pa nih a ser i $99 in a zuar, hi bantuk design bak midang nih an i copy i an ser i an zuar ve, Walmart te hna ah cun $10 lawng si i Target $30 asi mi zong a um, an rian tuan dan 100% aa khat dih lo hmanh ah aa khat pah ko caah customer nih zei dah kan cawk deuh ti ah cun kan $$ he a sin pi bik mi kha kan cawk ko i heh tiah an buai lo. (Sharktank a zoh mi nih nan theih lai).

Aidi thil zong mi idea cia si. Aidi thil hi ka uar ngai ve nain a man a fak tuk i ka caw kho rih lo. Laithil hi Zotung peng lei nih an thawk mi asi (Zotung ka si lo) i a tu ah Laithil ah a cang, Laimi vialte nih kan sunsak i anaak color hi Thantlang thuam, A sen color hi Hakha thuam an ti tiah ka theih (ka palh kho), a tu ah Sungtin thawi, Hniang2 thawi, Aidi thawi, Ester thawi tiah an chuah than i Zotung pawl nih kan Idea nan lak (fir) an ti bal lo, Laithil ah kan sunsak i an i lawmhpi ko.

Aidi nih a chuah mi thil hi keimah ta asi tiah a ti ah cun Ala, a Tah dan design vialte 100% in aa dang dih ahau, Aidi thil tham cu a rak um cia mi chung in idea tlawmpal a thlen mi pei asi ko cu, amah a chim ning a si ah cun amah zong mi chuah cia (tuah cia) a zuar ve mi asi ko. 100% in a thar a chuah lawng2 ah aidi nih ka ta si a ti kho tiah ka hmuh ning asi.

Laithil ah a tuh le a sit a um lo, fangkhat phei le fanghnih phei pawl lawng le sehtah, kuttah kha aa dannak si ko. Aidi lawng si lo in Laithil he peh tlaih in thil a chuah mi nih kan mah ta a ti ding asi lo, Laithil ngeitu taktak cu Zotung peng (miphun) an si.

A man (Price) a cung lei water bottle kong ka chim bantuk in a cawtu (customer ) nih kan mah le kan $$ he a sin pi bik mi kha kan cawk cio ding si ko, zuar kho deuh ve ning ti a duh ah cun a hlei hluak in a man a hau mi hi thump deuh sehlaw kan cawk cio ve ko lai tiah ka ruah.

Ka FB page ah aidi kong a lang peng i keimah pumpak hmuh ning ka tial mi si, Laithil cu Laimi nih a ho a chuah mi a si hmanh ah kan i hrawm cio ding si ko (a chuah tu, a zuartu le a caw tu he).

Atang ah hin Avanzing Collection tihmi nih Parborhsung thawi kong ah ka final result a chim nak video tawi ka thil chih rak ngai ve hmanh hi nu chim mi hi cu zapi nih kan i hrawm khawh ding mi a si.

Be the first to comment

Leave a Reply

Your email address will not be published.


*