Ralhrang Pawl Nih Mipi Ralkap Bomb Kan Thlak An Ti Nak Ah An Nau Le Umnak Ah An Thlak I Tam Tuk An Thi

Kata Ah SAC Ralhrang Vanlawng Nih An Mah Ralhrang Bomb A Thlak Sual hna. Sagaing ramthen Kata peng Banhbuaikung khua kahdoh nak ah SAC ralhrang (40) an thi tiah Kata PDF nih cathanh an chuah.Cu kakhua i zarhkhat hrawng umhmunkhuar in a um mi SAC ralhrang hna cu nihin august 22 ziing ah Kachin PDF ၊ Kata peng mizapi ralkap hna le တိုက်နယ်ရပ်ကျေး mipi rungveng tu phu hna nih suimilam 2 chung hrawng kahdoh nak an rakngeih hna nak theih a si.

Khua chung i Mipi ralkap hna kulh a tong mi ralhrang hna bawmchan ding in SAC hna nih Kata khuachung in Ayerawady tipi varal ah 120 MM hriam ngan he an kahbawmh hna leng ah Jetfighter -2 hmang in an kah bawmh hna tiah cathanh ah cun an langh ter.

Cu Jetfighter -2 hna nih khualeng um SAC ralhrang hna cu anpalh hna i an kah hna caah a thimi ralhrang hna an ruak cu thir in kham mi Tilawng in an thiar hna tiah theih a si. Kahdoh nak chung ah Kachin PDF (4) hliam an tuar tiah LuNgeKhit nih a langh ter. Crd: LKZN

Be the first to comment

Leave a Reply

Your email address will not be published.


*