Ralhrang Misual Phu Minthang Tatmah 66 Tamtuk An Thi, An Tlaihmi Hna Le Hriamnam An Chuhmi Hna

Sual lei in a min thang mi Division (Tatmah) 66 Karenni ah thi le lo an tam, Tatmah hmu hliam a tuar ca ah aa thlopLaukkai le Rakhine ramkulh ah sual lei in a min a thang mi Division (Tatmah) 66 cu Karenni ah cun a thi mi an tam i an vaivuan dih, Tatmah hmu zong hliam a tuar ca ah an dirhmun a chia ngai tiah theih a si.

Karenni ramkulh kahdohnak i va bawmtu ding ah Battalion paruk a hruaitu Bohmuchoh (Brigadier General) rank a si mi Tatmah 66 Commander Myo Min cu Karenni kahdohnak ah hliam a tuar i Tatmah hmu dang an thlen tiah KNU nih an chim.

KNU tel in KNDF le PDF he raal an i tuknak ruang le a phunphun in kahdohnak ruang ah Tatmah 66 cu an dirhmun a chiatnak hi a si.Hparuso kahdohnak ah battalion commander pakhat a thi i a dang battalion commander pahnih zong hmundang kahdohnak ah hliam hma an tuar ca ah battalion commander pathum lawng an taang tiah KNU nih an chim.

Karenni ramkulh chung um Tatmah 66 in battalion commander pakhat nih riantuan ka duh ti lo tiah a hal hna ca ah dantatnak pek ding a si ca ah hnu kham ah an kuat tiah an tarchih.

Ref: Khit Thit Media.rel chap rih :>>>>>>>>.
Monywa Thonginn Zohkhenhtu Phu In Officer Pakhat Cu PDF Nih An Tlaih

Sagaing ramṭhen, Monywa thonginn in palik bawi(officer) pakhat kan tlaih, tiah Fight For People F.F.P nih cathanh an chuah.Nizan September 9 ah Monywa thonginn zohkhenhtu phu in bohnih pa Myo Ngunt Aung, pumpak No. A-3386 cu Tharse(သာစည်) khua thonginn thar sakmi in a chuak i, Tharse lam ah Monywa pengkomh Battalion 2, Company(4) Fight For People F.F.P nih kan tlaih, tiah an langhter.
Fight For People F.F.P nih an tlaihmi Monywa thonginn zohkhenhtu phu in palik officer pa hi, zei tin dah dantatnak an tuah lai ti cu an cathanh ah an langhter lo.Khuapau dohthlennak, April 3 lio ah Monywa thonginn chung in thongtla mi nih, hramhram uknak duhlonak an rak langhter caah palik nih an rak kham hna i a thimi zong an rak um, tiah theih a si.

Be the first to comment

Leave a Reply

Your email address will not be published.


*