Ralhrang Le Pyusawhte Umnak Cinduai(Kyatwee) Kanpalet CDF Nih An Kah

Thlanglei Laitlang Kanpalet peng Cinduai khua ah hmunkhuar mi ralhrang hna le an mah kuttang ummi pyusawhte phu hna cu Chin ralkap CDF-Kanpalet nih August ni 12 zingka ah an kalhnawh hna I an kah hna tiah thawng theih asi. Kanpalet-CDF nih Cinduai khua ah a ummi ralhrang hna le pyusawhte hna an umnak sakhan ah vakal hnawh in August ni 12 zinglei suimilam 6 ah an kah hna I ralhrang lei in 1 a thi I tampi nih hliam an tuar tiah theih asi.

Cinduai khua hi pyusawhte tampi an umnak asi. Ralhrang zong an um fawn. Mah ruangah cun kan va doh mi hna asi. Ralhrang lei in 1 a thi. Tampi nih hliam an tuar tiin CDF Kanpalet in rianngeitu pakhat nih a chim. Kanpalet CDF nih Cinduai khua ah ummi ralhrang hna le pyusawhte hna cu an kah hna I an zenkuan a dih hnu ah I hliamkhuainak um hraw lo tein hnu an kir than khawhnak kong rianngeitu nihcun a chim chih.

Kanpalet peng ah a ummi Cinduai khua hi a hlan ahcun khuate dirhmun in a rak ummi asi nain NLD chan lio ah khan Cinduai khua cu khuate in khuapi ah kaiter mi asi tiah an chim.

Be the first to comment

Leave a Reply

Your email address will not be published.


*