Tuzing ah thawngpang tha tuk kan theih mi cu Kawl ralhrang chungtek asi mi pahnih cun mipi ralkap sinah an rak i fonh, cun hmunhim ah kan chia hlah uh, ralhrang doh dingin lungthlehnak le biachah nak kan ngeih hnuah kan rak zaam mi asi tiah an chim.
Pago ramthen ah an chiah mi hna SAC tatzin 601 chungtel asi minung pahnih cu an hrialtling he CDM an rak tuah tiah CAF-SPUPDF nih thawngthanh nak an rak tuah. Tuchun ah CDM a rak tuah mi ralhrang chungtel hna cu Win Htin le min langhter aduh lo mi pakhat an si tiah theih asi.
Hi ralhrang chungtel pahnih CDM a rak tuah mi hna nih cun PDF sinah an chim mi cu “midang bantuk in hmunhim ah kalter hi kan duh mi asi lo, kawl ralhrang doh dingah lungthlehnak le biachahnak kan ngeih hnuah thihnun ruat loin kan rak zaam mi asi. Cu caah kan nih cu ralhrang kan doh ve ko lai” tiah PDF sinah cun an chimh hna hi asi.
Tulio ah a lar ngaingaimi cu Thantlang khuanu khuapa nih Ralhrang sin i meeting an kai le Thantlang sersiamnak kong hi a si. Thantlang khuanu khuapa cheukhat le Pastor te hna cu Ralhrang he meeting an thu i, Thantlang sersiamnak kong an ceih tiah media tampi nih an ttial. Hi kong ah soiselnak zong a tam ngaingai i, CDF aa timi hna zong nih an lungtling lo nak an langh ter. Hi kong ah cun mah ruahnak cio ttial a si ko lai tiah zumhnak ka ngei. Hihi ramkhel phun khat cu a si ve.
A karlak ah keimah ruahnak van tenh ka duh ve mi cu, hi tonnak hi a si awk a si ko. Thantlang mipi an temtuar tuk cang. Ti le Rawl lo, Inn lo in an um a sau tuk cang. An mawh lo. Zei caan a rauh lai i zeitik ah Thantlang an kir te lai i an sersiam te lai timi hi zanmang hmanh ah ruah ngam a si ti lo. Cu lio caan ah Thantlang upa nih ralhrang an tonmi hna hi an mawh hrimhrim lo tiah kei nih cun ka ruah.
Cun CDF le CNA hna zong nih an duh lo nak le an lungtling lo nak an langh ter. an langh ter awk a si lo. Thantlang mipi chuah an fial hna hnu in fak ngaingai in i dohkahnak zong a chuak lem lo. Defense(I kham) phun in an kal pi. An mah nih cun Offense (dohtu) kan si an i ti ko nain mit nih a hmuhmi a um lo. Hriamnam tling kan ngei lo tiah fund tu hi an kawl lengmang ko rih. Hihi zeitik ah a dih te lai i hriamnam hi zeitik ah dah tling te in an ngei lai tiah mipi nih an thei kho lo. A chim zong an duh ve fawn lo.
Cu tiah mipi cu lungdongh lo awk a ttha lo. Cu caah hi tonnak hi an tuah mi a si lai tiah keimah nih cun ka ruah piak hna. CNA le CDF zong nih Thantlang hi zeitik hmanh ah an la kho lai lo. A ruang thih an duh lo. Ralhrang thih lawng an duh. An doh hna lo ah cun zeitin dah ralhrang zong cu an tei hna lai i an thih lai.
A luan cia caan zong ah tei balmi an si lo. Ramdang zong nih a minung lu in chim lo a hriamnam hmanh in a kan bom bal lo. Cu caah cozah cu ei awk hmanh a ngei lo mi nih tei phun a si lo.
CDM zong nan rian cio ah kir hna uh. Mipi ralkap aa timi hna hi ral doh a ngam taktak an um lo. Zohdawh sawhsawh a dirmi an si. CNA belte cu tanpi an phu i upat pek an phu. Cu caah Thantlang cu Ralhrang hna he i bom in kan sersiam tthan lai. Thantlang upa te Bawipa nih na hmurka in hman ko hna seh.
Leave a Reply