R.I.P : Vawlei Cung Ram Tha Bik US Ram ah Pu Fung Lian Thang nih mual a kan liam tak ee a poi tuk hringhran

Thihlohnak Thawngpang Pu Fung Lian Thang (Buanlung)
========
Kan khrihfabu chungtel, Pu Fung Lian Thang (Kum 44), cu July 26, 2022 ah thikai zawtnak in a tlu i sizung ah tlikpi colh a si. Sizung an kalpi ah hin a lung a fim ti lo.

Sibawi te nih a thluak chungah thi tamtuk a luh cang caah zei ti hmanh in thlop awk a tha ti lo an ti. Cu ti i lungfim loin ni khat a um hnu ah July 27, 2022 (suimilam 9:33pm) ah mual a kan liamtak. A nupi le a fale pathum a tantak hna.

Amah hi mi ṭha mi nunnem tuk a si pinah nupi le fa a daw tukmi a si. Midang bawmh a herhmi hna caah nun a siang i hawi le kom zong nih an tlaihchan. Khrihfabu chung chiat ni that ni kan ton tikah rian khinhmi a tlolh lomi le kan bochanmi chungtel a si.

Zarhteni (Saturday) ah ruak vui dingin timhtuahnak ngeih a si. Khrih ah, Orchid Pa (Danny Bawibikthawng) Charlotte Senthang Christian Church. A poi tuk ee. Tantak mi chungkhar, unau le khrihfabu nan ngeihchiatnak kan hrawmpi ve hna, Nan ngeihchiatnak Bawipa nih in hnem hram ko hna seh!

US ka rak phakka ah arak ka daw biktu, ka herhmi vialte zeitik caan paoh ah arak ka bawm zungzaltu mithapa, ka hawipa Pa Fung (Kawi Lian) mual na kan liamtak timi thawngpang ka vun theih cu kai zumh kho bak lo e!

Na nupi le na fale zeitindah an um lai kadua…pasal na ti lo e! Cungzing Mangbawi khuakhaannak hi ruahthiam hi a har tawn ko mu. Vanram tu ah nuam tein rak i din ko ne kun law. JCP Mall I na rak ka vahpi lio i ka rak in thlakmi photo asi e Pa Fung Aw.

Lung a faak tuk e, Taantakmi chungkhar vialte Bawipa nih hnem hram hna seh. Maw Ka Ta te aw kan i lung sak kho hrim lo ee. Ka Fa Pa Hniang Nih Ka Pa Tiah Auh Hlan Tiang Cu Dam Le Nun Kaa Zuam Lai Na Ka Ti Lo Maw? Thazang Peknak Bia Kan Chimh Ka Ti Ah Nang Mah Tu Nih Pei Thazang Peknak Bia Na Ka Chimh Chin Kha. Ka Fa Le An Hngakchia Tuk Rih Asi Kho Bak Lo Ka Dam Zau Than Lai Na Ka Ti Lo Maw?

Ka Fa Pa Hniang Nih Ka Pa Tiah Auh Hlan Tiang Cu Dam Le Nun Kaa Zuam Lai Na Ka Ti Lo Maw? Thazang Peknak Bia Kan Chimh Ka Ti Ah Nang Mah Tu Nih Pei Thazang Peknak Bia Na Ka Chimh Chin Kha. Ka Fa Le An Hngakchia Tuk Rih Asi Kho Bak Lo Ka Dam Zau Than Lai Na Ka Ti Lo Maw?

Na Sian Lo Tukmi Na Chungkhar Tak Pum Cun Kal Tak Ko Hmanh Law. Na Dawtnak Cu An Sin Ah Hmun Camcin Ko Lai.
Vawlei Kan Nun Hi Bible nih “Pangpar Bangin A Hung Par I A Uai Tthan Ko” Ti Bang Asi Ko Mu. Thil Tlawmte Tuah Piak Zongah Tuahmi Lengpi In Mi Lawmh Thiamtuk Mi Na Simu.

Ka Dam Lo Ka Cun Minung Sinak Cun Ka Lungre Thei Tuk Na Ti. Sihmanhseh Ka Vun Dam Lo Hnu Cun Pathian Hi A Caan Hman Tein Rian A Tuan Ti Hi Ka Fiang Chin I Bawipa Ka Thangthat! Na Timu. Sian Lo Buin Mangtha Kun Law. Cung Vanram Ah Kan Dong Temu.

Ngun Lian (Batty Pa) na thawng theih cu kan zum kho ttung lo ee, Na tuar kho ti lo ti! Na Nupi le na Fale Zei tin dah Khua sa hna seh na ti? Nai ah kan Nau Peng Peng le Kan Pi nih a kan kal taak i kan mitthli hmanh a hul hlan ah a tu nangmah nih na kan kal taak hoi cu na Khuami kan tuar a fak tuk ko e.

Ka U na si nain ka hawikom ttha na si! Khua in Malay in USA tiang kan tlawngleng tti! Na ka dawt tluk in kan daw kho lo rak ka ngai thiam mu, Na Nupi le na Fale na sia herh tuk ve ko lai. Na sia herh hlah na bochanmi Pathian a um ko, ka U na si nain Pa can zong ah ka zoh taw kha! Pathian Khuakhan hi hi theih thiam a har ko e. Zei ti ttha rak kal chung ai kun mu, kan tum cio mi Vanram tu ah kan dong te ko law.

Ka Upa, vawlei nunnak in a liam cang ee ti thawng theih cu tuar a har hringhran. Na Pa satil run na rak ka khalhpi tawn caan hna mithlam ah an cuang ee. Bia zaza na rak ka ruah tawn na rak ka dawt, na rak ka kawmh. Vawlei ah na dawt chungkhar hna le siaherhmi an tam lengluang ko lai nain Vawlei cu zungzal kan umnak ding a si fom lo cu ta na sin tu ah kan ra ve te lai Upa.

Ngun lian na u le chon ta lo in na liam sia herh lo ma, na nupi fa le tah nakal tak sia herh lo ma, nau mi nun nem mi fel te na chan tawi tuk ee, na pi le pu na nu he rak kan dong te uh mu.

Thantlang Khua, Zunghmun Sang um, Pi Dar Tling -68 (Pi Tin Hnai i a Nu, Pu Hoi Tling nupi)Nih Ralzam in an i dor nak Hakha khua ah nihin 26.7.2022 zing ah a kan thih tak. An Pa Pu Hoi Tling zong hi a luan cia 31.3.2022 ni ah Hakha khua ah a rak kan thih tak.

Thantlang Mara Khrihfa bu an si. Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak in hnem ko hna seh. Tan tak mi chung khar Bawipa nih in um pi ko hna seh law poituk hring hran ee.

Ngaihchiatuk si e, Nulepa hna i ralzamnak hmun ah anvan kan liamtak hi cu lungthin nih acelhhrim lo e. Maw ka thin e dam ten kan i tong hna lai ti ah, ral zam dir hmun i nan kan liam tak cu lung thin fak a zual e. Tantak mi chung khar nan ngaih chiat nak kan in tuar pi hna e. Apoi tuk ee.Tantakmi chungkhar Bawipa nih hnem hraam ko hna seh aw.

Hniarlawn Khuami 4 SAC Ralhrang nih an Thlah Than Hna, Khuami Suitthi, Tangka le Sattil Tampi an Fir. Nihin July 25 ah SAC ralhrang pawl cu Hakha peng, Hniarlawn khua ah an phan i Salai Mang Lian Sang meithal in an kah pin ah minung 4 an tlaih hna, tiah thawng kan theih. Tlaih a tongmi minung 4 cu an dihlak in an thlah tthan hna, tiah Hniarlawn khuami pakhat nih The Chin Journal ah a chim.

“Minung pali an tlaih hna i an dihlak in an thlah tthan hna. Kan naupa pakhat hi voi 2 an tlaih. Block (1) ah voi khat an tlaih i an thlah tthan. An thlah nu ah zaam ding in a kalnak Block (6) ah a voi 2nk an tlaih tthan. Ralkap nih inn an bauhmi thilri pawl an thiarter i voi 2 an chuih hnu ah an thlah,” tiah a chim.

Salai Mang Lian Sang hi mucu ngakchia pawl va chanh ding in a kalnak lampi (Block-6) ah ralhrang nih meithal in an kahmi a si, tiah a cunglei khuami nih a chim. Meithal kahnak in a nunnak a liammi Salai Mang Lian Sang i a phone zong atu tiang an hmu lo. SAC ralhrang nih an lak lai tiah an zumh.

“Hniarlawng khuachung inn tam u cu an bauh dih hna. Khuami hna i Suithi le Phaisa zong an lakpiak dih hna,” tiah a chim chap. SAC ralhrang pawl cu nihin zaanlei ah Hakha ah an zapi in an kir tthan, tiah thawngpang kan theih. Credit: The Chin Journal

Mang Lian kha kan khua a phan mi ralhrang nih an kah i a nunnak a liam ee. Khua rian ka țuan lio ah ka kut ke na si. Nangmah nak in khrihfabu ah rian kan fial kawhmi, rian a țuan kho mi le a cawl cang khomi kan um țung lo ee. Maw ka thin ruangmang.

Kan dawt kan i bochan mi na kan liam taak taktak ko mu. Nunnak tiang liam ding cun kan rak theih țung lo. A Zei le Zei thawng hme kan theih fawn eee maw ka thin e. Kal tak mi, Bawipa tu nih tuar khawh nak pe ko hna seh. Apoi ti Leng in chim awk tha lo taantak mi chung khar pathian nih hnemhram hna seh law ka nau mangluan mi upat thiam te aw ngeihchia tuk ee.

Lai mino tlangval hna an paam tuk hringhrang cang hna ee. Cuban tuk thawngtheih cu thinlung nih a celh lo ee. Maw ka thin aw zei tik tiang hen dah kan in tuar rih lai sian lo fapa le aw kan tuar kho lo e. Mangpi dawthlawh te, kan umnak cio in kantap len nan, santlai ti lo e, mitha nawlngai pasaltha na si ai cang mu, tuar a har ruangmaang ko e.

Ka thin hi e. A fak tuk hringhran ko mu. A cu rimnam le hawtlawk hna kuat in kan mino thatha hna nunnak liam lengmang ko cu ee. Tuar a har ko. Kan zangmang s’seh law atha tuk hnga. Ka tupa mifim te. Zeiti tha, Na ruak te hmanh kan thlah kho lo.

Ei cu ngai ka thin cu e chim awk kan thei lo evkan lung w caw mal dih ai e maw fadawt aw, kan ram dam nak le luat nak ah cang hram seh kan ti ee. Thinlung kuai tuk hringhran ee, Bia nih a tlinh hrim lo. Khuami le chungkhar Bawipa nih inhnem ko hna seh mu. Kan tta fangkhat kan ngeih chun te Maw Mangpi.

Hniarlawn Mino “Salai Mang Lian Sang” SAC Ralhrang nih an Kah. Nihin July 25, zinglei sml. 11:00 hrawng ah SAC ralhrang nih Hniarlawn khuachung ah Salai Mang Lian Sang (kum 22) cu meithal in an kah caah a nunnak a liam, tiah khua upa sin in thawngpang kan theih.

Hniarlawn khua upa pakhat nih, “Ralkap pawl an rak rat ah khan mucu siangngakchia pawl ka vung la hna lai a ti i motorcycle in a kal. A kalnak lampi ah ralkap he an i tong i an kah,” tiah The Chin Journal ah a chim. Salai Mang Lian Sang hi Hniarlawn khua ah an i bochanmi mino pakhat a si i, Hniarlawn Tipil Khrihfabu ah darvuan rian a ttuan liomi zong a si. A ruak hi khuami nih an lak khawh cang.

Hakha in SAC ralhrang pawl Hniarlawn khua an panh caah khuami tampi ram lak ah an zaam bang in acheukhat a zaam lomi zong an um ve, tiah a cunglei upa nih a chim chap.

Nihin zing, Halkha in Hniarlawn khua kal uico rual nih Hniarlawn tlangval Mang Lian Sang kum 24 cu an kah/ thah.
Mang Lian Sang hi an khua Baptist Biakinn hngak rian a ttuanmi a si, a nih hi ramlak ah a zaam cang nain ngakchia hna zaam kho lo a va laak nak hna ah uico nih an rak kah hi a si.

Be the first to comment

Leave a Reply

Your email address will not be published.


*