R.I.P : Salai Roland Kil Kam Thang le Salai Daniel Nih Chinland le Chin Miphun Caah An Nunnak An Pek

Salai Roland Kil Kam Thang le Salai Daniel Nih Chinland le Chin Miphun Caah An Nunnak An Pek. Nizaan,Chiapa(July) 7, zaan slm 9:30 hrawng ah CDF-Hakha ralkap Salai Roland Kil Kam Thang le Salai Daniel cu bomb i thlahphoih ruangah an nunnak a liam.

An ruak cu SAC ralkap nih an lak tiah theih asi. #Chinland le Chin Miphun caah a nunnak petu Kan miralțha hna upatnak sangbik kan in pek hna. Credit : The Chin Post

Thawngpang dang relchap : KNU Hmunhma Chung Thla 6 Chung Kahdohnak Ah SAC Ralkap 2200 Leng An Thi

KNU hmunhma hna ah tukum thlaruk chung kahdohnak voi 2600 leng a chuak i SAC ralkap le a kuttang BGF 2200 leng an thi tiah KNU Central Information Department nih cathanh an chuah.

KNU KawThuLay hmunhma chung Karen National Liberation Army (KNLA), Karen National Defense Force ( KNDO ), hna le hramhram nawlngeihnak latu SAC ralkap, BGF hna karlak ah nifatin kahdohnak achuak. Thlaruk chungah kahdohnak ngan he hme he voi 2686 a chuak i SAC ralkap le BGF 2208 an thi 1545 hliam an tuar tiah an langhter.

SAC ralkap le BGF hna a tambik an thih thla hna ah cun thlakhat ah 500 leng cio in 2022 March, April thla hna ah an si i, thlaruk chungah a tlawmbik an thih thla June thla ah 365 an thi. Cu thlaruk chung Kahdohnak chungah KNLA, KNDO hna lei in 86 an nunnak a liam i 175 hliam an tuar

SAC ralkap nih vanlawng kahnak, khuate chung hna ah hriamngan an lah ca le a ruang um lo in meikhangh nak ruangah sualnak ngei lo mizapi 72 an nunnak a liam i 155 hliam an tuar tiah theih a si.

Kahdohnak a tambik a chuahnak cu KNU Brigade 5 hmunhma PhaPon pengkomh, Brigade 6 hmunhma DoPlayar pengkomh, Brigade 1 hmunhma Tatone pengkomh, Brigade 3 hmunhma NgiangLayPin pengkomh le Brigade 2 hmunhma TuangNgu pengkomh hna an si i Brigade 4 hmunhma Dawei pengkomh zongah kahdohnak cheukhat a chuak .Brigade 7 hmunhma BaAnn pengkomh ah kahdohnak a um lo. Credit : The Chin Post