R.I.P : Police pa nih Muslim pa meithal in a kah i a thi

Police Pakhat Nih Muslim Pa Meithal In A Kahthah!
===============
Rakhine ramkulh, Sittwe khuapi, Bomay (ဘုမေ) khuate pawng, Police tatyin (36) hmai ah tuni september ni 4, zinglei suimilam 7:30 ah police pakhat nih meithal in kah ruangah musilim pa pakhat a nunnak a liam tiah kan theih. Meithal in kahthah a tong mi pa cu, Sittwe khuapi, DraPaing (ဒါးပိုင်) khuate in kum 20 a si mi Zomirat Husonat ( ဇောတ်မီရတ်ဟူဆောနတ်) a si i, cycle in thilchantu a si tiah kan theih.

Bomay (ဘုမေ) in DraPaing (ဒါးပိုင်) lei ah a kal mi lam ah Police phu tayin (36) hna nih cohlannak ca zohfelnak an tuah i, a piak duh hna lo caah a tubantukin an kah thah hi a si tiah kan theih. Meithal in kah a tong mi Muslim pa cu an kahnak a hmun ah a nunnak a liam colh i, aruak Sittwe siizung ah an kuat tiah kan theih.

Muslim pa 20 meithal in a kahthah thah tu pa hi, Police pakhat a si i, BA-94 phun meithal in a kahthah tiah kan theih. Poilce phu tatyin (36) in police pa nih muslim pawl cu cohlang nak ca zohfelnak a tuah hna i, an biaholh a tam caah a tubantukin a kahthah nak hi a si.

A tu ah muslim pa a kahthah tu police pa cu an tlaih i, zohfelnak tuah in upadi ningin dan peek a si lai tiah kan theih.

Be the first to comment

Leave a Reply

Your email address will not be published.


*