R.I.P : Buanlung Khuami Pi Ni Iang (86) A Nunnak A Liam!

Buanlung Khuami Pi Ni Iang (86) A Nunnak A Liam
======================
Hakha peng, Buanlung khuami Pi Ni Iang Kum 86 nih tuni zaan lei sang tuan deuh ah ruah lo tuk in a kan liam tak tiah thawng kan theih. A nih hi pawfah a ngei mi a si tiah theih a si i, a paw fak lengmang mi a si tiah kan theih. A nunnak a liam nak kong he pehtlai in khuami pakhat nih.” Pi Ni Iang Kum 86 cu paw fah a ngei mi a si. A paw a fah lengmang mi a si. Ha fah a hmang mi zong a si.

A tu bantuk in an kan liam tak mi hi kan ngaih a chiat cio bantuk in tantak mi chungkhar zong an ngaihchiatnak kan hrawm pi ve hna. Kum 86 cu tar le sang a si bantuk in a paw fah zawtnak le a ha fah zawtnak ruangah a taksa le thazaang nih a chei ti lo caah a tu bantuk in an kan liam tak hi a si. Kan mah zong chungkhar thutpi nak ah kan um ve, Tuzaan cu zaan khua dei thutpi an si lai i, thaizing lei tuah a ruak cu thlah a si te lai” tiah a chim. Tantak mi chungkhar kan i puar pi tuk ve hna e.

Thawngpang dang relchap : Pauk Peng, Chaingzauk Khua Inn 40 Renglo SAC Ralkap Nih An Khangh!

Magway ramṭhen, Pauk peng, Chaingzauk(ချိုင်ဇောက်) khua cu nihin August 16 zinglei ah SAC ralkap nih an khangh caah inn 40 hrawng a kaang, tiah tualchung mi nih an chim.

Minung thazaang 100 leng he rallam sialtu SAC ralkap hna nih August 15 zaanlei ah Chaingzauk(ချိုင်ဇောက်) khua cu luhhnawh in phungki sianginn ah umhmun an khuar. Nihin August 16 zinglei ah cu ralkap hna nih cun inn an khangh, tiah Chaingzauk(ချိုင်ဇောက်) khuami pakhat nih a chim.

Khuami pakhat nih cun, “Inn 400 hrawng khuasaknak ah SAC ralkap nih inn 40 hrawng cu an khangh leng ah Chaingzauk(ချိုင်ဇောက်) khua pawngkam zong ah inn an khangh, inn zeizat an khangh bel fehter awk a ṭha rih lo,” tiah a chim.

Nizaan August 15 ah SAC ralkap le tualchung hriamtlai phu hna cu Chaingzauk(ချိုင်ဇောက်) khua pawng ah an i kap, tiah khuami nih an chim. SAC ralkap hna nih rallam an sial ti kan theih cangka in a himnak hmun ah kan zaam dih hna, tiah an chim chap.

Magway ramṭhen chung ah SAC ralkap nih February 1 in May 31 tiang ah inn 3,055 an khangh. Rampi huap in SAC ralkap nih an khanghmi inn dihlak hi inn 18,886 a si cang, tiah Data For Myanmar nih June 7 ah a rak thanh.

Be the first to comment

Leave a Reply

Your email address will not be published.


*