R.I.P : Pathian Saltha Baptist Pastor Zohchia Tukin An Thah A Poi Hringhran Ko Mu

Pathein ah Pastor pakhat a inn ah aho theih lo nih an thah: Pathein khuapi ah Khrihfa Baptist Pastor pakhat cu zahanzaan ah khan a inn ah zohchia ngai in an thah ee tiah theih a si.

Nizaan Zing (September) 2 ni zaan ah Pathein khuapi ah Pastor a ttuan mi Saya Kyaw Soe Lat cu aho theih lo mi nih a inn ah zohchia ngaingai an thah. “Saya Kyaw Soe Lat hi mi ttha tuk a si. Fak ngaingai in an thah, a dik mi phunglam um lo ruangah a chuak mi thil ttha lo ti ah chim khawh a si. Thilsining hi a sosang ko cang” tiah khuami pakhat nih a chim.

Saya Kyaw Soe Lat (Kum 50) hi a inn ah a nu he khua a sa mi an si. Cun sin um pakhat an ngei, cu an sin um cu tu hi ai thup, a umnak theih a si lo. Micheu nih cun cu an sin um pa hna cu an lunghrinh. Saya Kyaw Soe Lat i a lu ahhin tuknak hma, nam in sawhnak hma le a hngawng hi hri in rek nak hma hmuh a si.

A thattu pa nihhin Saya Kyaw Soe Lat motorcycle, Phone, le phaisa zei maw zat ai zaam pi chih tiah innpa hna nih anchim. Pathein khuapi ahhin aliamcia Hniang (August) 4 lio zong ah khan Sihni pa pakhat cu thah a tong ve i a motorcycle, phone le phaisa an zaam pi chih ve tiah theih a si.

Be the first to comment

Leave a Reply

Your email address will not be published.


*