R.I.P : Malaysia Lei A Kalmi Lehnak Ah Nunnak A Liammi Chin Mi Pathum Ruak Vui An Si

Malaysia Lei A Kalmi Lehnak Ah Nunnak A Liammi Chin Mi Pathum Ruak Vui An Si. May thla zarhkhatnak ah Thailand ram in Malaysia lei a kalmi motor pakhat aa letmi ah nunnak a liammi Chinmi pathum ruak kan vui cang hna, tiah Chin Community Bangkok nih theihternak an tuah.

Thailand ram Songkla ramkulh, Hatyai khua pawng ah May thla zarhkhatnak ah khan Myanmar mi 25 phortu motor pakhat cu a rak i let i, motor cuangmi chung in Chin mi Salai Setha solo, Mai Singo Fachhai, Salai Thurein Htun hna cu an nunnak a rak liam. An ruak cu an chungkhat hna le Chin Community Bangkok hna i bawm in May 16 ah an vui cang hna, tiah theih a si.

Myanmar ram chung ah SAC ralkap nih nawlngeihnak an lak hnu in Thailand ram in Malaysia ah a kalmi Myanmar mi hna cu lam tanṭim ah nunnak a liammi an um bantukin Thailand cozah nih an tlaihmi zong tam ngai an um, tiah theih a si. Hmanthlak : Chin Community Bangkok. Credit : The Chin Post