R I P : CDM Sianginn Cachimtu Telh Chih In Pasaltha 10 Nih Nunnak An Pek Than

Lungthin fah le ngaihchiat hi celh awk a tha hrim lo e, zalennak duh ruangah miphun dawtu pasaltha hna tamtuk nih nunnak an pek than tiah thawngpang theih asi caah kawlram mipi cu lungkuai le ngaihchia in um cio asi.

Nizan September 13 ah khan Sagaing ramthen Kawlin pengkulh ah kahdohnak faktuk in a chuak than i PDF pasaltha 8 nunnak a liam pinah kawl ralhrang nih an tlaihmi hna khuami pahnih cu ralhrang nih an rak thah hna tiah thawngpang theih asi.

Hi kong he pehtlai in Kawlin khuami pakhat nih a chimmi cu “Kawl ralhrang nih an tlaihmi hna chungin minung 2 cu an thah cang hna. Ralhrang an thahmi hna chungah hin pakhat cu sianginn cachim CDM atuah mi asi tiah kan theih. Cun kawl ralhrang nih an tlaihmi hna adang pawl zong hi zeidah an lawh, an nung maw an dam ti kan thei rih hna lo nain an thah cang hna ti cu fiangin kan chim kho lo” tiah Kawlin khuami pakhat nih cun a chim hi asi.

Kawl ralhrang nih an thah mi hna pahnih cu CDM sianginn cachim Ko Chian Tha (kum 32) le Ko Thein Zaw (kum 22) an si tiah thawngpang theih asi. Kawlin khuami pawl hi kawl ralhrang nih ralphaw caah an tlaihmi hna an um ngai caah nihin tiang an thawngpang theih lomi an tam ngai hna i khuami pawl cu lungre thei le thinphang in an um ko hna.

Be the first to comment

Leave a Reply

Your email address will not be published.


*