R.I.P : Apoi Tuk E Zophei Kanpa Pu Lian Kil Nih A Kan Liamtaak Ruangmang E

Ngaihchiat pinak. Zophei kan pa Pu Lian Kil – 92 Leitak (Ni Sui Lian pa) nih 30 August 2022 zanlei, India Aizawl khuapi ah mual a kan liamtak. A chuak semnak Leitak khua lei ah an rak tlunpi lai. Tantakmi chungkhar Zophei Baptist Church, Hakha nih kan ngaihchiat pi hna.

Thawngpang dang relchap : China Communist Party Cu Xi Jinping Kong Ceih Ding In A Voi 20 Nak Meeting An Tuah Lai

China ram uknak a tlaitu Communist Party nih a voi 20 nak Meeting cu a ralai mi september 16 ah an tuah lai. Cu meeting ah cun President Xi Jinping cu President ṭuancaan pehter le pehter lo kong an ceih lai. Xi Jinping nih cun president ṭuancaan cu peh khawh ṭhan ding in a zumh i Mao Zedong khawh in a saubik China ram hruaitu si aa tim, tiah theih a si.

Hi meeting hi kum 5 dan ah voikhat rak tuah tawnmi a si i zarhkhat chung an rak tuah tawn. A bik in Beijing People’s Hall ah an tuah tawn.

Xi Jinping a voihnihnak President a ṭuan chung ah rampi chawhlehnak a der ruang le Covid-19 zawtnak a tawlrel ning kong ah a rak um tuk theng bal lo mi duhlonak langhternak a rak chuak. Cun, Taiwan kong ah US he i hmuh thiam lonak a chuah caah a ralai mi kum cun “China rampi a tha aa hrim ṭhan lai” timi tlangtar a au pi ca ah a voithumnak President rian zong a peh ṭhan lai, tiah zumh a si.

China phunghrampi ah President pakhat nih term voihnih pin peh khawh a si lo, tiah chiah a si mi cu Xi Jinping nih 2018 ah a rak hnon caah tutan meeting ah hin a term thumnak President a tlaih lai, tiah an zumh cio.

Be the first to comment

Leave a Reply

Your email address will not be published.


*