Falam Sii-inn Uktu Dr.Tluang Cung Thang Hri In Aa Awk Chin ramkulh, Falam khua sii-inn uktu Dr.Tluang Cung Thang(40) cu nihin September 28 zinglei ah an inn chungah hri in aa awk i a nunnaka liam, tiah theih a si.
Falam sii-inn uktu Dr.Tluang Cung Thang cu hawikom tampi a ngeimi a si pinah Falam khuami hna caah ding fel te le zawnruahnak he a zohkhenhtu a si. A ruak cu Hakha ah an vui lai, tiah theih a si.
Falam sii-inn uktu Dr.Tluang Cung Thang nih Falam peng mizaw hna cu a fimthiamnak dihlak he a zohkhenh hna caah kum 2020 lio Falam khua ah zohchun awk tlak pakhat a si, tiah Chinland Herald nih upatnak a rak pek. Credit:Zalen
Thawngpang dang relhcap : PDF he pehtlaihnak nan ngei tiah an ti hna caah Pyapon palik 3 SAC ralkap nih an tlaih hna
Ayeyarwaddy ramṭhen, Pyapon peng palik 3 le palik nupi pakhat cu Pyapon PDF he pehtlaihnak nan ngei tiah an puh hna caah SAC ralkap nih an tlaih hna tiah theih a si.
Pyapon peng palik ṭat-kyat-kyi Htun Htun Naing, Min Htat Paing, Htat Lin le a nupi Ma Gaeti Win cu September 26 ah tlaih an tong tiah tualchung media hna nih an langhter.
“A luancia August thla ah Yangon ah tlaihkhih a tongmi Pyapon khuami San Lin cu PDF he pehtlaihnak na tuah tiah an puh caah tlaih a rak tongbal cang” tiah an langhter.
” A tutiang ahcun an 4 ning in Kyaitlat Myomah(ကျိုက်လတ်မြို့မ) palik sakhan ah an hren hna i, sah-yiah-phah nih checkhlatnak an tuah hna” tiah palik phu hna he neihniam in ummi pakhat nih a chim.
Leave a Reply