R.I.P : Apoi Tuk E Chinmi kan pa pakhat nih Mual a kan liam tak

Zualko: Chinmi kan pa pakhat nih Mual a kan liam tak ruangmang ai ee!
==========
Nihin cu kannih Vantlang Khuami le chungkhar hna caah cun kan lungpi a kuai Ni, Dar bang kan Pate, Senlal Mualcin a kuai Ni a si ee! Pa Sem aw, “a tem tuar hnga cang i a kan kal taak chung zong ah a ttha deuh ko lai” tiah namah temtuar hnga lai ruah ah kan ti tawn ko nain ee, na kan kal taak tak tak ahcun ee, kan celh kheh ttung lo ee, Mi dawt thiam, mi tlaihchan thiam le mi cawisan thiam te na si tawn kha.

Nai i CBCUSA Civui zawh pah in tiah Namah zoh ah Nikhat a hlankan in kan Nupa tein kan rat i na sin kan vun phak ka te ahkhan cun na vun kan hngalh ko bang tiah ka vun can zuanhnawh nain na kanhngalh ttham ti lo eee, ngaihchia te in na fapa kan tin tham Kha, Siaherh tein ka can tlun tak ttham ee.

Namah um lo hnu Dallas phak lai zong kan ra ruahfaak cang lai hi ta. Khrihfabuu program kan ngeih caah a donghnak vawlei na khualtlawnnak belte ah ka rak tel kho lai lo, Pa Sem aw. Ka ngaithiam ko kun he Mi a thei thiam tawn tu te na si kha. Rak kal chung ko kun law Pa Sem. Na fapa Kawi Aung.

Pu Sem cu a kan kal tak taktak cang ti? Bawipa ttangnem ah Sau tein I din cang ko kun sehlaw. Tangtak mi Chungkhar vialte Bawipa nih nan ngaihchiatnak in hnem ko hna seh. Ei maw kathin ka tta aw thin le lung nih a celh hin lo e midawt thiam mi nun ttha lung za ngei nasi tawn kha e.

Kan chun a mui ee Ttuanzaang ngei lo in na ka tuah ee maw minun ttha le mikhunkhuar thiam te aw na chan a tawi hnga. Pathian khua khan hi thei thiam a har ko ee. Rak kal Chung ko law U Sem. Tan tak mi Chung Khar, Unau dih lak Bawipa nih in hnem cio ko seh mu. Kan i ton hlan sung mang tha.

Matupi le Mindat Khua Pawng Hrawng Khuami Dihlak Ngawt Cu India Ram Lei Ah An Zaam! Chin ramkulh, Matupi le Mindat khua pawng ah SAC ralkap nih van lei kahdohnak an tuah ruangah le hriamngan hmang in kahdohnak an tuah caah tualchung mi hna cu an dihlak ngawt in India ram lei ah an zaam hna, tiah Matupi peng ralzaam pakhat nih a chim.

Be the first to comment

Leave a Reply

Your email address will not be published.


*