R.I.P : Apoi Taktak Si Tamu Khuapi Ah A Ho Si Ti Theih Lomi Ruah Pakhat Hmuh Asi

Tamu khuapi ah a um mi, ဟဲဇင်း​ချောင်း ah namte in sawhnak hliamtuar he a khat i tiva ah hlawh mi , ho a si ti theih lo mi, pa pakhat a ruak an hmuh. Cu ruak cu thawngpang theihter ruangah “နိဗ္ဗာန်လမ်း” in nizaan september ni 2, zaan lei suimilam 3:30 ah an kal pi i, a chungkhar theih khawh an si lo caah sii zing ah an chiah ko tiah kan theih. Cu kong he pehtlai in “နိဗ္ဗာန်လမ်း” in tuanvo ngeitu pakhat nih hlethlainak kan tuah cuahmah lio a si tiah a chim.

thawngpang dang relchap : Sagaing Ramṭhen, Mawleik Le Myaung Peng Ah Kahdohnak Ah SAC Ralkap 45 Hrawng An Thi!

Sagaing ramṭhen, Mawleik peng ah SAC ralkap pawl cu bomb puahhnawh an ton caah SAC ralkap le Pyusawhti 35 hrawng an thi lai, tiah Mawleik PDF nih an chim.

August 31 zanlei ah Mawleik PDF nih Mawtar(မော် တာ) tiva kam ah SAC ralkap le Pyusawhti cu bomb an puahhnawh hna i, ralkap 35 hrawng an thih lengah 15 hrawng hliamhma faak an pu, tiah theih a si.

Ralkap le Pyusawhti a thimi zat cu fiang in kan thei lo nain 35 hrawng cu an thi kho. Mawleik peng Hmannuai(မှန်နွဲ) khua ah ralkap le Pyusawhti 70 hrawng nih umhmun an khuar. Htawthar(ထော်သာ) khua lei zong ah 60 hrawng nih umhmun an khuar,” tiah Mawleik PDF chungtel hna nih an chim.

Magway ramṭhen, Myaung peng Kanni khua ah rallam a sialmi SAC ralkap motor 2 cu Myaing Villages Revolution Front – ( MVRF ) le ṭangrual PDF hna i bawm in nizan September 2 ah bomb kan puahhnawh hna, tiah Myaung Villages Revolution Front (MVRF ) nih cathanh an chuah ve.

Cu bantuk in Myaung peng SAC ralkap sakhan le check gate cu August 30 zanlei sml 5:00 hrawng ah PDF nih hriamngan in an kah hna caah SAC ralkap 10 hrawng an thi, tiah theih a si.

Cu kahdohnak ah cun Yinmarbin pengkomh Battalion 11, Company 3, Black God Guerrilla le ṭangrual PDF hna i bawm in an doh hna caah SAC ralkap 10 nak tlawm lo an thi, tiah theih a si.

Myaung peng, Kyaukkayit Palik Sakhan Cu PDF nih An Kah I SAC ralkap 3 An Thi: Sagaing ramṭhen, Myaung peng, Kyaukkayit palik sakhan cu, Myaung Revolution Army (MRA) nih August 29 ahkhan drone in bomb an thlakhnawh hna i, SAC ralkap 3 an thi 1 hliam a tuar, tiah MRA nih an thanh.

Bomb puahhnawh an ton hnu in, SAC ralkap lei nih an kan leh ve ko nain kanmah lei a thimi le hliam tuarmi um loin hnu kan tolh kho, tiah MRA in chungtel pakhat nih a chim. Kyaukkayit palik sakhan ahhin a luancia August 27 ahkhan helicopters 2 nih SAC ralkap 40 le hriamnam tampi a chiah hna, tiah theih a si.

Be the first to comment

Leave a Reply

Your email address will not be published.


*