R.I.P : A Fak Tuk Hringhran Ko Mu Cung Khua Lian Nih A Kan Liam Tak E

Thih Dar: Cung Khua Lian nih Mual a kan liam tak ruangmang ai ee!
========
Thantlang Khua, Saihpiozi Sang um, Pu Tuan Hmung Fapa, Pa Cung Khua Lian -Kum 4, cu Ralzam in an i dor nak Vambai Khua ah, Khuai Ngal nih Nihin, 7.8.2022 Chun 12:00 ah a seh i, zanlei 7:00 pm hrawng ah a kan thih tak.

Khuaingal hi an um nak inn pawng ah a um. Pu Tuan Hmung hi Pu Hram Al fa a si. Thantlang TBC Khrihfa bu an si. Tantak mi chungkhar nan dihlak nan ngaihchiat nak kan in tuarpi hna. Pathian nih nan ngaihchiat nak in hnem ko hna seh.

Ka thin hi e a cu re ru cu e Bawipa nih tantak mi chung khar hnem ko hna seh. Khuaingal seh ngelcel in thih cu zaangfak tuk a si ai e. A chungkhar an ngaihchiatnak Bawipa nih theihpiak ko hna seh. Cutluk poi khawh cu aw ngaih a chia tuk ee. Bawipa nih tantakmi chungkhar dihlak hnem ko hna sehlaw. A ze cu ka thin cu a poi tuk e tan tak mi Chung khar bawi pa nih in hnem ko hna seh law.

thawngpang dang relchap : Sgaing Ramṭhen, Kankai Khuami SAC Ralkap Kut In A Thimi Ruak 7 Hmuh A Si, Inn 145 An Khangh

Sgaing Ramṭhen, Kankai Khuami SAC Ralkap Kut In A Thimi Ruak 7 Hmuh A Si, Inn 145 An Khangh: Sagaing ramṭhen, Depeyin peng, Kankai(ကိုင်းကံ) khua cu SAC ralkap nih an khangh i, Inn 145 a ciam, khuami minung 7 zong an thah hna, tiah tualchungmi pakhat nih a chim.

Innlo an khangh pinah hin an cinthlak pawl le an seh thilri pawl zong an khangh dih i, khuami ruak 7 zong hmuh a si. Cu lawng siloin Sawphyo (လှေျာ်ဖြူ) khuami le Kankai khuami hna cu SAC ralkap nih ralphaw ah an kalpi mi hna zong atu tiang an thlah rih hna lo, tiah Depeyin peng Nyi Naung(ညီနောင်) phu in rianngeitu pakhat nih a chim.

Nihin August 7 zong ah Ayardaw peng Kaungthit khua cu SAC ralkap pawl nih an khangh i, a langtlang lawng in hmuh khawh a si caah inn zeizat dah a kangh fiang in theih khawh a si rih lo. Credit : The Chin Post

Be the first to comment

Leave a Reply

Your email address will not be published.


*