Britain Prime Minister silio mi Boris Johnson rian chang ding in 6 September ah khan kum 47 mi, Liz Truss cu Britain Prime Minister 56 nak ah lakluh a si.
Dam lo zawtfahnak ruang ah Scotland ah aa thlopbul cuahmah mi Siangpahrang nu Elizabeth umnak ah Truss nih cun a va kalhnawh i, Siangpahrang nu nih PM ah lakluhnak a ngeih. Siangpahrang nu nih cun cozah thar ser colh ding in nawlngeihnak zong a pek colh. Liz Truss hi British nu vialte lak ah Prime Minister rian a \uan kho mi pathumnak a si.
Truss nih hin cozah a tlai lio mi Conservative Party hruaitu lu thimnak ah amah zuamcawhtu Rishi Sunak cu a tei. Kum ruk chung ah Conservative Party in PM a si kho mi palinak a si. Truss nih cun, “Ka ram a lianngan mi hruai ding in ka cung ah zumhnak nan ngeih caah kaa lawm. United Kingdom sinak taktak cu ka langhter \han lai,” tiah a ti.
Tukum July thla khan PM Johnson cung ah zumhlonak langhter a si hnu ah, Minister cheukhat nih cun rian dinhnak an pek i, PM Johnson zong tlawmpal ah aa din ve. Sinain PM thar thim hlan chung cu a rian an tlaihter. September 6, Truss lakluh a si hlan ah khan Johnson nih rian chuahnak ca a \ial i, PM thar ah Truss zong lak colh a si. Prime Minister thar Liz Truss nih hin cabinet minister ding zong a thim zau lai.crd the chin post
Leave a Reply