Pu Sang Thu Lian Te Chungkhar Nih GTRO Sin Ah Vantha Laksawng An Hmuh Mi AU$ 14,555 A Pek Than Hna Hna

Pu Sang Thu Lian Te Chungkhar Nih GTRO Sin Ah Vantha Laksawng An Hmuh Mi AU$ 14,555 A Pek Than Hna Hna. GTRO Raffle Ticket onnak ah vantha laksawng a comi (3rd winner) Sang Thu lian cu Australia um GTRO upa hna nih a inn ah US$10,000 (AU$ 14,555) cu an va pek. Sang Thu lian nih phaisa a cohlan hna hnu ah lunglawm tein GTRO upa hna sin ah vantha Laksawng a hmuh mi vialte cu a pek than dih hna.

Laksawng a hmuh mi $10,000 ( AU$14,555) a pek hna hlei ah GTRO riantuannak caah AU$1,000 a pek than hna. Pu Sang Thu Lian te chungkhar thil tuah mi aa dawh hringhran. CBN News

Thawngpang dang relchap : CDF- Zotung Nih Mizapi Sin Theihternak Le Ralrin Peknak Cathanh An Chuah

CDF- Zotung Nih Mizapi Sin Theihternak Le Ralrin Peknak Cathanh An Chuah! A luancia August 6 ah Zotung hmumram, Nabung khuachung ah a lut mi SAC ralkap 80 cu nihin August 8 ah Nabung khua in an chuak, tiah theih a si. SAC ralkap hna cu Nabung khua in an chuak cang nain Zotung peng Yaungnat (ရောင်နက်), Nabung(နားဘုန်း), Ramsi(ရမ်းစီး), Annta(အန်းတ္တား), Panba(ပန်ဗား) le Tayarkung (သာသယာကုန်း) khua hna in ralzam mi hna cu an kir rih lo, tiah theih a si.

SAC ralkap umkalnak kong he pehtlai in mi cheukhat nih tualchung hriamtlai phu min bunh in mizapi sin ah thawng dik lo thanhmi kan hmuh caah, an thanhmi thawng dik lo nih mipi humhimnak a hnorsuan ahcun CDF-Zotung nih fakpi in dantatnak kan tuah lai, tiah an thanh.

Curuangah Gangaw-Razua lampi hman rih lo ding in thawng thanhnak kan tuahmi cu zulh ding in le, Zotung hmunram chung i a cangmi kahdohnak le tualchung thawng dik hna cu CDF-Zotung nih thawng thanhnak kan tuah lai, tiah CDF-Zotung nih nihin August 8, ah cathanh an chuah. Photo : CDF-Zotung. Credit : The Chin Post