Phekon Peng, Lwemaku Tlang Ummi SAC Ralkap Hna Cu Karenni Ralkap Phufonh Nih An Kah Hna I Ralkap 9 An Thi!

Phekon Peng, Lwemaku Tlang Ummi SAC Ralkap Hna Cu Karenni Ralkap Phufonh Nih An Kah Hna I Ralkap 9 An Thi! Shan ramkulh thlanglei Phekon(ဖယ်ခုံ) peng Moebe Inn(မိုးဗြဲအင်း) nichuahlei Lah He(လဟယ်) khua pawng, Lwemaku(လွယ်မကူ) tlang ah umhmun a khuar mi SAC ralkap hna cu Karenni ralkap phufonh nih nihin July 21 zanlei Sml 3:20 ah an kah hna i SAC lei ralkap 9 an thi, tiah Phekon-PDF batallion 2 nih thawng an thanh.

Kahdohnak cu Sml 1 chung a rau i Phekon ummi SAC ralkap sah-kah-khah 7(စကခ ၇) nih hriamngan in an rak bawmh hna caah Karenni ralkal phufonh lei cu hnu an tolh ṭhan. Phahe(ဖားဟီး) le Banhkhu(ဗန့်ခူး) khua pawng ah hriamngan kuan a tla mi cu a puah ruangah tualchung mi an zaam hna, tiah theih a si.

SAC ralkap hna cu Phekone-PDF batallion 2 le KNDF batallion 3 i bawm in an kah hna, tiah theih a si. KAWTHOOLEI ARMY Dirhnak Kong He Pehtlai In KNU/KNLA Nih An Cohlanlonak Kong An Thanh: KNU/KNLA nih July 20 ah Saw Nedal Mya(စောနယ်ဒါးမြ) nih a dirhmi KAWTHOOLEI ARMY cu kan cohlang lo, tiah cathanh an chuah.

Emergency in tuahmi Central Executive Committee meeting ah Saw Nedal Mya cu KNU in chuah ding in biakhiahnak an ngei i, Saw Nedal Mya nih an dirh mi kong ah KNU he pehtlaihnak a ngei lo, tiah an cathanh ah an langhter. Credit : The Chin Post