PDF pasaltha 2 cu An Hriamnam meithal he Ralhrang nih An Tlaih Hna

PDF pasaltha hna pahnih hriamnam he kan tlaih hna tiah ralhrang nih thawngthanhnak an tuah pinah an hmanthlak he an tar hna. An tlaihmi hna hi Min Nge, 30, le Tin Tun Win, 34, an si. An hmanthlak zoh ah Mr.Tin Tun Win cu a hmai vialte a phing dih. An tlaih mi hna hi  People Defense Force, Myeik township an si hna.

Dr.Sasa: Campaign Ka Tuahmi Hi Keimah Nih Ka Ei lai Lo, Kum 5 Chung Miphun Nih Nan Ei Lai

Dr.Sasa cu NLD party lutlai nih campaigner ah an thim bantukin tulio hi biatak tein a cawlcang. Abiachim ngaihtikah a raktha bak, amah hmanh hi I pe sehlaw, hi nakin raltha in a chim hlei ti lai lo. Thih ngamh bakin a ttang ti alang ko. Anmah Mara miphun party sawmnak a tuah mi lawng si loin, Mara miphun ning pi tiangin NLD mee pek dih dingin a sawm cang hna. DR.Sasa nih a chimmi cu, Nihin ah NLD kong ka aupi mi hi keimah nih ka ei lai lo, Mara miphun nih kum 5 chung nan ei ding tu a si deuh.

Pathian nih a onmi innka cu mizeihmanh nih an khar kho lo I, Pathian nih a khar cangmi cu mizeihmanh nih an ong kho ti lo. Cu caah Mara miphun dihlak nih NLD hi mee pe dih hna usih tiah a ti. Dr.Sasa cu NLD party nih teinak an hmuh khawhnak dingah thih ngamh bakin a cawlcang ti fiang tein a lang.

Kawlram pumpi tiang nih bochan mi Dr.Sasa nih NLD caah biatak tein mipi sawmnak a tuahmi le NLD policy a dirpinak le a cawlcangh ning cu a raltha chin lengmang. Kan hnu ah khan Mara media nih Dr.Sasa biahalnak an tuah. Cu ah cun, Mara miphun party a simi ENDP cu NLD ah rak lut dih u tiah a ti hna. A tu zongah miphun party lawng si loin, Mara miphun dihlak nih keimah rak ka zul ulaw, NLD hi mee pe hna usih. Zeitintiah cozah a serkhotu party mee kan pek lawnglawng ah kan miphun le ram a thangcho lai tiah a ti hna. Dr.Sasa nih Mara miphun hna cu, kum 13 chung nan caah rian ka tuan, miphun caah thi le thau cawh in rian ka tuan nan theih dih ko.

Tutan cu keimah hnu rak ka zul u, keimah nih nan caah Bahu ah nan herhmi kan hal piak hna lai. Pathian nih thuk deuh le kau deuh in riantuan dingin a ka thim cang. Cuhlan nakin tam deuhin riantuanter a ka duh. Cu caah miphun party tibantuk hna hi cu mee pe hlah u, santlaihnak a ngeilo. Cu cu Kawlram phunghram nih alanghter ko. Tutan hi cu Mara miphun dihlak nih NLD mee pe ko hna usih tiah miphun ning piin NLD mee pek ding in a sawm hna. Dr.Sasa campaign a tuah ning hi Dr.Ngun Cung Lian le CAN Spokesperson U Htet Ni nih cun an cohlang kho lo. Anmah pahnih lungput le Dr.Sasa lungput cu aa lo lo ngai ngai.

Dr.Sasa (Medical Ph.D) le Dr.Ngun Cung Lian (Political Law Ph.D) hna pahnih nih Kawlram party kongah ah an hmuhning aa khat ti lo, an ruahnak aa dang cang, miphun caah an hmuhning lam aa dang cang. Miphun holhkhatte an si ko nain NLD party cozah thithruaining kongah an ruahnak cu tungsehle bak an si cang. Dr.Sasa nih cun, Miphun thanchonak/development  a zoh lio ah Dr.Ngun Cung Liang nih cun, Miphun covo/right to equality timi kong biatak tein a chim ve.

Dr.Sasa nih NLD cu Kawlram party vialte lakah athabik, cozah nak ser khotu le Chin miphun thanchonak a kan petu kan cezusin bak a si. Cu caah 2020 zongah Chin miphun dihlak nih NLD mee kan pek awk asi tiah a chim. Mara miphun party ENDP zong keimah hi ka zul u, nan i ngaichih lai lo tiah a ti. Zeitintiah NLD ah hibantukin ka min a um hi cunglei nawlngeitu nih tawlrelnak asi. Hi hi Pathian khuakhan asi, Pathian nih a ka thimmi asi. Cu caah ka chimmi nan ngaih duhlo ah cun, nan theih te ko lai. Chin State khuapi 9 ah vanlawng tual tuahpiak a duhlomi an um hnga maw tiah a ti. Dr.Sasa nih cun thanchonak/development mit in politic a chim.

Dr.Ngun Cung Lian nih NLD party cu tlangcungmi zalennak pek a duhlomi, phasah-pahlah le Dictatorship uknak he aa lomi asi. Bahu in nawlngeihnak vialte tlaih dih an duh. Miphun/tlangcung/state zalonnak pek an duhlo, cu cu 261 ah fiang tein a lang. Federal zong an duh tak tak lo i, an policy zongah federal tak tak a um lo. Cu caah NLD party cu tlangcungmi caah cu tihnung tak tak an si. A liamcia kum 70 uknak kan theih cang i, a ra laimi kum 50 tiang cu kan hmu kho ti lo. NLD nih uknak a tlaih than zongah zeitikhmanh ah 2008 phunghram a remh kho bal lai lo. Kum 5 chungah biafang 5 an remh. Cu an remhmi cu, rampi nih a herh lem lomi asi. Kum 5 ah biafang 5 lawng an remh khawh peng ah cun 2008 phunghram dihlak remh khawhnak dingah kum 11300 an rau lai. NLd cozah nih ramchung sipuazi thanchonak a tuah kho lo tiah a ti.

Dr.Sasa le Dr.Ngun Cung Lian biachim hi tha tein kan ngaih tikah Dr. Sasa biachim nih alanghtermi cu, Chinram thanchonak/development bak hi a target mi a si. Nain Dr.Ngun Cung Lian nih cun, Rampi development mit in politics achim lo, ramchung miphun covo right to equality in a chim. An chimmi hi politics ve ve cu asi ko i, mizei nih hin dah ramkhel uknak Federal Democracy timi muru a khen deuh tiah na hmuh ning a si? Dr.Sasa cu NLD policy aa tlaih i mipi sinah heh tiah a aupi lio ah Dr.Ngun Cung Lian tu nih cun, Policy a hmanlomi tu kha biatak tein a doh ve.

Note: Dailychinstar nih athianghlimmi News tial khawh peng kan i zuam. Tialmi thawngpang hi Mirang le holh dang dang tialmi chungin lehchinmi asi. Ca reltu hna caah cherhchan/source rinhtlak asi lomi zeitikhmanh ah Dailychinstar nih lak aa tim lo. Cun thawngpang pakhat khat Website – Dailychinstar hmangin thlah na duh ah cun zeitik caan paoh ah free tein thlah piak khawh na si. Amahbel  pumpak, khua, tlang tbk midang ahnursuang khomi kan cohlang lai lo. Cun, suimilam 24 hrs hlanah Dailychinstar nih athlahmi thawngpang chungin mi zeihmanh nih copy paste tuah khawh asi lai lo. Na relmi thawngpang hna hi midang nih an rel khawh ve nak hnga atha tiah na ruahmi a um ahcun share in rak kan bawm ve.

 

Be the first to comment

Leave a Reply

Your email address will not be published.


*